Mamlakatimizda amalga oshirilayotgan keng ko’lamli islohotlarda yoshlarning faol ishtirokini ta’minlash, qizlarimizning a’lo xulqi, zukkoligi, o’qishdagi muvaffaqiyatlari, tashabbuskorligi bilan noyob iste’dodini namoyon etayotgan hamda adabiyot, madaniyat, san’at, fan, ta’lim va sport sohalaridagi alohida yutuqlarini, bilimlarini hayotga tatbiq etish, shuningdek, milliy qadriyatlarurf-odatlar, sharqona odob-axloqqa oid olib borgan ibratli ishlarini, faoliyatini o’rnak sifatida ko’rsatib berish uchun imkoniyat yaratish maqsadida Ma’naviyat va ma’rifat bo’limi, filologiya fakulteti talaba-qizlari o’rtasida 2017 yil 29-aprel kuni universitet faollar zalida “Orasta qizlar” ko’rik tanlovi o’tkazildi. Unda nemis, fransuz filologiyasidan 2-bosqich talabasi Xudoyberdiyeva Gulasal, o’zbek filologiyasidan 2-bosqich talabasi Vahobova Madina, Ingliz tili va adabiyoti yo’nalishidan 2-bosqich talabasi Sayliyeva Gulrux, rus filologiyasidan 1-bosqich talabasi Samiyeva Zarina ishtirok etdilar. Yakuniy natijalarga ko’ra ingliz tili va adabiyoti yo’nalishidan Gulrux Sayliyeva g’olib deb topildi. Barcha ishtirokchilar faxriy yorliq va esdalik sovg’alari bilan taqdirlandilar.
