2017 yil 12 aprel kuni Buxoro Davlat Universiteti talabalar turar joyida Sohibqiron Amir Temur tavalludining 681-yilligiga bag’ishlangan “Biz - buyuk millat faxri, Amir Temur farzandlarimiz” nomli tadbir o’tkazildi.Tadbir Sohibqiron Amir Temurni sharaflovchi taqdimot bilan boshlandi. So’ng tadbirni ochib berish uchun so’z tarix fanlari doktori, professor Sh.A.Hayitovga berildi.U kishi Sohibqiron haqida “Vatanning daho xaloskori…” deya so’z boshladilar. Shundan so’ng buyuk sohibqiron haqida tarix kafedrasi mudiri, tarix fanlari nomzodi, dosent K.J.Raxmonov Amir Temur haqida qiziqarli ma’lumotlarni gapirdilar.Shundan so’ng Sohibqiron Amir Temur tavalludining 681 yilligiga bag’ishlab filologiya va tarix fakulteti talabalarining hamkorligida tayyorlagan “Biz buyuk millat faxri, Amir Temur farzandlarimiz” nomli badiiy-musiqiy tadbiri namoyish etildi. Tadbirda Amir Temurga bag’ishlangan taqdimotlar, chet tillaridagi ma’lumotlar va she’rlar, sahna ko’rinishlari va raqslar namoyish etildi. Tadbirni tarix kafedrasi mudiri, tarix fanlari nomzodi, dosent K.J.Raxmonov yig’ilganlarga va tadbir tashkilotchilariga tashakkur bildirib yakunladilar.
