2016 yil 10 dekabr kuni Buxoro davlat universiteti bilan hamkorlikda Olot xizmat ko’rsatish kasb-hunar kollejida «Matematika va uni o’qitishning zamonaviy usullari» mavzusida ilmiy-amaliy anjuman o’tkazildi. Anjuman yosh matematik olim U.H.Rasulovning xotirasiga bag’ishlanib, Olot xizmat ko’rsatish kasb-hunar kollejida BuxDU Matematika kafedrasi filialining ochilish marosimi bo’lib o’tdi. Unda ikki tomonlama hamkorlik shartnomalari va harakat dasturi imzolandi. BuxDU Matematika kafedrasi o’qituvchilari o’zlari tayyorlagan uslubiy qo’llanmalarni kafedra filialiga taqdim qildilar. So’ngra anjuman dasturi doirasida “Ochiq darslar” festivali boshlandi. Unda 5 nafar matematika fani o’qituvchilari noan’anaviy ochiq darslar tashkil qilib o’tkazdilar.Sho’’ba yig’ilishlari davomida universitetning tajribali professor-o’qituvchilari bilan davra suhbatlari va munozaralar bo’lib o’tdi. Ko’rgazmali ma’ruzalar tashkil qilindi.Anjuman yakunida ishtirokchilar sertifikatlar bilan, noan’anaviy ochiq dars tashkil qilgan o’qituvchilar esa 1-darajali diplomlar bilan taqdirlandilar.
