Joriy yilning 24 noyabr kuni universitet faollar zalida O’zbekiston xalq artisti Tesha Mo’minov tavallud topganinig 67 yilligi munosabati bilan ijodiy uchrashuv o’tkazildi. Ijodiy uchrashuvda Respublika Ma’naviyat targ’ibot markazi, viloyat teatr ijodiy uyushmasi vakillari, universitetning bir guruh professor-o’qituvchilari hamda talabalari ishtirok etdi. Uchrashuvda ishtirok etgan notiqlarTesha Mo’minov kinoda, video va televizion filmlarda xam o’ziga xos esda qolarli obrazlar yaratganligi, jumladan, "Kelinlar qo’zg’aloni”da Komil, "O’tgan kunlarda” Qushbegi, "Yolg’iz yodgorim”da rais, "Qutlug’ qon”da Yo’lchi, "Qirolning dilxushi”da Saltabadil, "Nur borki soya bor”da Sherzod Samandarov va boshqa rollari ko’p sonli tomoshabinlar orasida shuxrat topganligi hamda Tesha Mo’minovni mehnatlarini qadrlab unga 1992 yili "O’zbekiston xalq artisti” faxriy unvoni berilganligiga alohida to’xtalishdi. Tadbir davomida ijodkor Tesha Mo’minov ijodiy faoliyati hamda hajviy chiqishlari orqali ishtiokchilarni xushnud etdi. Ma’naviyat va ma’rifat bo’limi boshlig’i A.M.Jumayev
