Buxoro davlat universiteti talabalari o’rtasida o’tkazilgan “kecha kim edigu, bugun kim bo’ldik, ertaga qanday marralarni egallashimiz kerak?” mavzusidagi maqolalar tanlovining 2-bosqichi yakunlandi.O’zbekiston Respublikasi Vazirlar Mahkamasi Yoshlar siyosati, ta’lim, madaniyat va sport masalalari axborot-tahlil departamentining Dasturiga muvofiq “Kecha kim edigu, bugun kim bo’ldik, ertaga qanday marralarni egallashimiz kerak?” mavzusidagi maqolalar tanlovining birinchi bosqichida universitetning 300 nafar talaba ishtirok etdi. G’oliblikni qo’lga kiritgan talabalarning ijodiy ishlari universitet bosqichida hakamlar hay’ati tomonidan ko’rib chiqib, Chaqiriqqacha harbiy ta’lim fakulteti 3-kurs talabasi Farhod To’raevning “Har zarrada - Vatan suvrati” nomli maqolasini 1-o’ringa loyiq topishdi. Ilm va ma’rifat bor joyda jaholatga, bid’at va aqidaparastlik, mutaassiblikka o’rin qolmaydi. Millat ravnaqi, Vatan taraqqiyoti, ozodligi va obodligi oxir-oqibat ilmga, yuksak ma’naviyat va ma’rifatga borib taqaladi. Shu mazmunda yozilgan maqola Nizom talablariga muvofiq Vazirlik tanlov hay’atiga yuborildi.
