Oʻzbekiston Respublikasi Prezidentining 2021-yil 16-iyuldagi “Oʻzbekiston Respublikasi Vazirlar Mahkamasi huzuridagi Oʻzbekistondagi Islom svilizatsiyasi markazi faoliyatini yanada takomillashtirishga doir qoʻshimcha chora-tadbirlar toʻgʻrisida”gi PQ-5186-son qarorining “Jahon ilm-fani taraqqiyoti va svilizatsiyasiga hissa qoʻshgan ajdodlar ilmiy merosini tadqiq qilish hamda yangi yuksalish davridagi yutuqlarni targʻib qilish boʻyicha “Yoʻl xaritasi”da belgilangan ilmiy-tadqiqot ishlari, muzey, arxiv, kutubxona va qoʻlyozmalar fondini boyitish tadbirlarini tashkil etishni taʼminlash yuzasidan Oʻzbekiston Respublikasi Vazirlar Mahkamasi huzuridagi Oʻzbekistondagi Islom svilizatsiyasi markazi tomonidan 2023-yil 31-yanvar kuni “Oʻzbekistondagi Islom svilizatsiyasi tarixi muzeyini shakllantirishga oid dolzarb masalalar” mavzusida respublika ilmiy-amaliy konferensiyasi oʻtkazildi. Konferensiyada respublikaning yetakchi olimlari va soha mutaxassislari ishtirok etdi.
Shu munosabat bilan mazkur konferensiyaga oʻz maʼruzalari bilan Buxoro davlat universiteti Tarix va yuridik fakultetidan tarixi fanlari doktori, professor Halim Hojiyevich Toʻrayev hamda “Islom tarixi va manbashunosligi, falsafa” kafedrasi dotsenti, tarix fanlari boʻyicha falsafa doktori (PhD) Husen Xayrulloyevich Djurayevlar taklif etildi.
Professor H.H. Toʻrayev “Muzey ekspozitsiyasi tasavvuf tarixini oʻrganish vositalaridan biri sifatida” mavzusida maʼruza qildi. Mazkur mavzu Islom svilizatsiyasi muzeyi ekpozitsiyalari uchun yangilik sifatida olimlar tomonidan eʼtirof etildi.
Dotsent H.X. Djurayev tomonidan “Markaziy Osiyo xattotlik sanʼatini muzey ekspozitsiyalarida yoritish masalalari: Buxoro xattotlik maktabi misolida” mavzusida maʼruza qildi. Tarixchi olim Husen Djurayev shu qisqa vaqt mobaynida xattotlik va kitobat sanʼati yoʻnalishida qilingan ishlar sifatida dissertatsiya himoyasi, chop ettirilgan ilmiy risola, monografiya va oliygoh talabalari uchun oʻquv qoʻllanmasining prezintatsiyasi ham boʻlib oʻtdi. Ilmiy-amaliy konferensiyada tarixchi olim tomonidan berilgan “Buxoro shahar Ahmad Donish nomidagi kitobat sanʼati va tarixga ixtisoslashgan maktab-internati”ni ochish taklifi, anjuman ishtirokchilariga zoʻr qiziqish uygʻotib va yuksak darajada eʼtirof etildi. Ilmiy-amaliy anjumanda ishtirok etgan olimlar, gʻoya muallifi tomonidan berilgan taklifni Oʻzbekiston Respublikasi Prezidentiga yetkazilishini Islom svilizatsiyasi markazi rahbariyatidan soʻraldi.
Ilmiy-amaliy konferensiyada akademik-professorlar hamda soha mutaxassislari ishtirok etdi. Anjumanda taklif va mulohazalar oʻz yechimini topib, kelgusida ushbu anjumanni xalqaro darajada butun dunyo olimlari hamkorligida oʻtkazilishi rejalashtirildi.
