Turizm va mehmonxona xo’jaligi kafedrasidan bugungi kunda 5 nafar professor-o’qituvchilar Ispaniya, Turkiya, Janubiy Koreyaning ilg’or OTMlarida doktorantura doirasida tahsil olmoqda. Professor-o’qituvchilar tomonidan doimiy ravishda xorijda malaka oshirish va stajirovka dasturlarida ishtirok qilib kelmoqda. Shu bilan bir qatorda xalqaro loyihalar doirasida ham kafedra faoliyatini kengaytirmoqda.
Shveytsariya rivojlanish va hamkorlik agentligi tomonidan O’zbekistonda professional ta’limni rivojlantirishga qaratilgan “HELVETAS Uzbekistan”-VET4UZ loyihasi mas’ullari bosh mutaxassisi Sardor Saidrasulov, loyiha maslahatchisi Adrien Rebord va boshqalar bilan kafedra professor o’qituvchilari o’rtasida hamkorlikni yo’lga qo’yish maqsadida uchrashuv bo’lib o’tdi.
Ucharuvda fakultet dekani D.Yavmutov, Turizm va mehmonxona xo’jaligi kafedrasi mudiri N.Ibragimov, kafedra o’qituvchilari S.Ro’ziyev va M.Qilichovlar ishtirok qildilar. Ucharuv davomida fakultet va kafedra to’g’risida ma’lumotlar berilib, amalga oshirilayotgan va keying 5 yilda rejalashtirilgan loyihalar to’g’risida ma’lumotlar taqdim etildi.
O’zaro hamkorlikda professor-o’qituvchilar malakasini oshirish, master klasslar tashkil etish, seminar-treninglar o’tkazish, talabalarning amaliyot o’tash sifatini oshirishga qaratilgan yo’nalishlarda hamkorlik qilish bo’yicha fikrlar almashinildi. Shuningdek, mehmonxona xo’jaligini tashkil etish yo’nalishlarida xalqaro o’quv rejalarni tuzish bo’yicha kelishuvlarga erishildi.
