+998 (65) 221 29 14

+998 (65) 221 27 64

Yangiliklar

  1. Bosh sahifa  
  2. Yangiliklar  
  3. Buxoro davlat universiteti Ingliz adabiyotshunosl…

Buxoro davlat universiteti Ingliz adabiyotshunosligi kafedrasi professor-o’qituvchilari AQSH elchixonasi tomonidan moliyalashtirilgan FEP (Faculty Enrichment Program) dasturi g’oliblari sifatida to’rt oylik stajirovka o’tashmoqda

19.01.2023

2022-yil sentabr-dekabr oylarida saralash bosqichlaridan muvaffaqiyatli o’tgan BuxDU Ingliz adabiyotshunosligi kafedrasi professor-o’qituvchilari G. P. Nazarova hamda O. X. G’aniyevalar ayni paytda AQShning Michigan davlat universitetining bahorgi semester jarayonlarida faol stajirovka o’tashmoqda. Jumladan, mazkur universitetning Xalqaro bo’limi boshlig’i Volodimir V. Tarabara hamda Center for European, Russian and Euroasian Studies bo’limi rahbari Norman A. Grahamlar bilan uchrashib, Michigan universiteti hayoti haqida ma’lumotga ega bo’lishdi. Uchrashuv davomida to’rt oy davomida olib boriladigan ishlar rejasi tuzildi va o’zbekistonlik professor-o’qituvchilar o’z tadqiqot sohalarida akademik izlanishlar olib borishlari kelishildi.

Ingliz adabiyotshunosligi kafedrasi katta o’qituvchisi G.P.Nazarovaga Michigan davlat universiteti ingliz tili o’qituvchilari tayyorlovchi markaz rahbari Dustin de Felis hamda mazkur kafedra dotsenti O.X.G’aniyevaga Amerika adabiyoti mutaxassisligi bo’yicha professor Stefen Arch akademik maslahatchi sifatida biriktirildi. BuxDU professor-o’qituvchilari G. P. Nazarova hamda O. X. G’aniyevalar ayni paytda o’zlari biriktirilgan markazlarda qizg’in faoliyat olib borishmoqda. Michigan davlat universiteti professor-o’qituchilari darslarini kuzatish bilan birgalikda, G. P. Nazarova hamda O. X. G’aniyevalar universitet kutubxonalari, ilmiy-tadqiqot markazlari faoliyati, universitet va talabalar hayoti bilan ham yaqindan tanishishmoqda.