Buxoro davlat universitetida joriy yilning 17, 24, 28- aprel kunlari o’tkazilgan ko’p bosqichli MATEMATIKA, FIZIKA, KIMYO, BIOLOGIYA, INFORMATIKA VA AXBOROT TEXNOLOGIYALARI fan olimpiadalari g’oliblari taqdirlanildi.
Tadbirni Buxoro davlat universiteti rektori Obidjon Xamidov ochib berdi.
Iqtidorli yoshlarni qo’llab-quvvatlash, viloyatdagi bitiruvchi sinf o’quvchilari orasidan eng iqtidorlilarini seleksiya qilish orqali oliy ta’limga imtiyozli qabul qilish nazarda tutgan ushbu olimpiada iqtidorli yoshlar uchun keng imkoniyatlar eshigini ochdi, desak, also mubolag`a bo`lmaydi. Bunday imkoniyatlardan unumli foydalanish uchun faqat o’qish, fanlarni chuqur egallash, kuchli bilim egasi bo’lish kerakligi ushbu olimpiada misolida o`z isbotini topdi.
Joriy yil ushbu olimpiadalarning debochasi bo’lib, keyingi o’quv yillarida ham bunday olimpiadalar davom etadi.
Buxoro davlat universitetining 2022-yil 17, 24, 28- aprel kunlari o’tkazilgan ko’p bosqichli MATEMATIKA, FIZIKA, KIMYO, BIOLOGIYA, INFORMATIKA VA AXBOROT TEXNOLOGIYALARI fan olimpiadalarining 1-bosqichida 1776 nafar, 2-bosqichida 212 nafar, 3-bosqichida 60 nafar viloyatdagi bitiruvchi sinf o’quvchilari ishtirok etdi. Barcha jarayonlar shaffof va odilona o’tkazilishi uchun qat’iy choralar ko’rildi, olimpiada jarayonlarida jamoat tartibini saqlash maqsadida Milliy gvardiya hamda ichki ishlar xodimlari jalb qilindi. Yakuniy bosqich natijalariga ko’ra 5 ta fan kesimida 1-, 2-, 3- o’rinni egallagan o’quvchilar olimpiada g’oliblari deb topildi va ularning ma’lumotlari Oliy va o’rta maxsus ta’lim vazirligiga taqdim etildi. Tadbir davomida olimpiada jarayonlari aks etgan video rolik namoyish etildi. va bu orqali g’oliblarimizning olimpiada jarayonlarida qanday mashaqqatlardan o’tganligining guvohi bo’lishdi.
Tadbir mobaynida Olimpiada doirasida 5 ta fan kesimida g`olib bo`lgan 15 nafar bitiruvchi sinf o`quvchilari, “Iste`dodli yoshlarni qo’llab-quvvatlash ULUG’BEK jamg’armasi faoliyatini rivojlantirish chora-tadbirlari to’g’risida”gi qaroriga asosan o’tkazilgan ko’p bosqichli “Mirzo Ulug’bek vorislari” Respublika tanlovining respublika bosqichida g’oliblikni qo’lga kiritgan 4 nafar talaba hamda Shashmaqom tanlovining Respublika bosqichida g’oliblikni qo’lga kiritgan talaba taqdirlanishdi.
