Buxoro davlat universiteti rahbariyati “Muxbir Daliyev” telegram kanalida "....Айтишларича Бухоро давлат университети экан" sarlavhasi ostida chiqarilgan videorolikga nisbatan quyidagi munosabatni bildiradi:
Ushbu videorolik 2022 yilning 24-may kuni Buxoro davlat universitetida Qo'shma ta`lim dasturlari doirasida ta’lim olayotgan talabalar tomonidan bugungi kunda avj olayotgan odam savdosi, chet ellarga ketish orzusida noto`g`ri yo`lni tanlab, adashganlar qismatini ko`rsatish, firibgarlar tuzog`iga tushmasliklarini anglatish maqsadida tayyorlangan tadbir bo'lgan. Video tasvirdagi sochilgan soxta pullar aslida qog`oz parchalari bo`lib, sahna ko`rinishining ta’sirchanligini oshirish maqsadida ijro etilgan. Ushbu videodagi holat talaba-yoshlarni hushyorlikka chaqirish, ommaviy madaniyatning illatlarini namoyish etish, havoyi orzu-istaklarning natijasi sarob ekanligini anglatishni maqsad qilgan.
Albatta ushbu munosabatda muxbirni Buxoro davlat universitetida bo'lib o'tayotgan tadbirlarga befarq emasligi bizni quvontiradi. Biz barcha jurnalist va blogerlarga sahna jarayonlarini to'liq aks ettirgan holda yoritishni tavsiya bergan bo'lar edik.
BuxDU Matbuot xizmati
