O‘zbekiston Respublikasi Prezidenti Adminstratsiyasi tomonidan (29.01-2022y 05-1-201-son) tasdiqlangan O‘zbekiston Respublikasida 2022-yilda yoshlar bilan manzilli ishlash tizimini yaratish, ularni bo’sh vaqtini mazmunli o’tkazish(5 muhim tashabbus) bo‘yicha vazirlik va idoralar hamkorlik Dasturining 18-bandi, O‘zbekiston Respublikasi Bosh vaziri tomonidan tasdiqlangan Yoshlar masalalari bo’yicha respublika idoralararo kengashi majlisining 2018-yil 8-fevraldagi 4-son bayonida rejalashtirilgan “Yoshlar-kelajak bunyodkori!” shiori ostida “Yoshlar festivallari”ni tashkil etish va o’tkazish, O‘zbekiston Respublikasi Vazirlar Mahkamasining 2018-yil 17-sentabrdagi 736-sonli qarori 2-ilovasi bilan tasdiqlangan Chora-tadbirlar dasturining 9-bandi ijrosini ta’minlash hamda talaba-yoshlarni san’atga muhabbat ruhida tarbiyalash va ma’naviy kamolotga yo‘naltirish, iqtidorli yoshlarga o‘z imkoniyatlarini yuzaga chiqarish uchun sharoit yaratish maqsadida
2022 yil 23 may kuni Buxoro davlat universitetining Bosh yig‘ingohida “Yilning eng faol talabalar teatr studiyalari” tanlovining ikkinchi-HUDUDIY bosqichi bo‘lib o‘tdi.
“Yilning eng faol talabalar teatr studiyalari” tanlovining 2-hududiy bosqichida
1.Buxoro davlat universtetining “Buxoriy” talabalar teatr studiyasi
2.Buxoro davlat universitetining Pedagogika Instituti “Ziyo” talabalar teatr studiyasi;
3.Buxoro muxandislik texnologiya instituti “Muxandislik” talabalar teatr studiyasi;
4. Buxoro davlat tibbiyot istituti “Avitsenna” talabalar teatr studiyasi;
5. “TIQXMMI” MTU Buxoro tabiiy resurslarni boshqarish institutining “Nixol” talabalar teatr studiyasi jamoalari ishtirok etdi.
Jamoalar tomonidan namoyish etilgan asarlarda milliy an’analarimiz hamda umumbashariy qadriyatlarimiz tarannum etildi. Jamoalarning badiiy chiqishlari va sahnaviy ko‘rinishlarini o‘ziga xosligi, milliyligi, mazmundorligi, mamlakatimizda amalga oshirilayotgan islohotlar mohiyatining oddiy va xalqchil tarzda ochib berilishiga alohida e’tibor qaratildi va tanlov Nizomiga muvofiq quyidagi keltirilgan nominatsiyalar bo‘yicha taqdirlandi:
“Eng yaxshi spektakl” nominatsiyasi bo‘yicha Buxoro davlat universitetining “Buxoriy” jamoasi, Ahmad Yassaviy hikmatlari asosida “Chor darvesh” sahna ko‘rinishi uchun:
“Dolzarb mavzuning sahnaviy talqini uchun”- nominatsiyasi “TIQXMMI” MTU Buxoro tabiiy resurslarni boshqarish institutining “Nixol” talabalar teatr studiyasi jamoasining Qo‘chqor Norqobilning “Har narsaning javobi bor” sahna ko‘rinishi uchun:
“Milliy an’ana va qadriyatlarni tarannum etgani uchun”- Buxoro davlat universitetining Pedagogika institutining “Ziyo” talabalar teatr studiyasining “Inson qadri” sahna ko‘rinishi uchun taqdirlandilar.
Buxoro davlat universitetining “Buxoriy” tvalabalar teatr jamoasi keyingi 3-mintaqaviy bosqichda ishtirok etish yo‘llanmasini qo‘lga kiritdi.
