11.01.2022

Joriy yilning 25, 26-fevral kunlarida Innovatsion rivojlanish vazirligida Innovatsion rivojlanish vazirligi, Oliy va o‘rta maxsus ta’lim vazirligi hamda Fanlar akademiyasi bilan birgalikda xo‘jalik boshqaruvi organlari, tarmoq korxonalari, Qoraqalpog‘iston Respublikasi Vazirlar Kengashi va viloyat hokimliklarining oliy ta’lim muassasalari va ilmiy tashkilotlar bilan hamkorligini rivojlantirishga qaratilgan ilmiy ishlanmalarni tijoratlashtirishga qaratilgan Forum bo‘lib o‘tdi.Forumda Buxoro davlat universiteti Ekologiya va geografiya kafedrasi professori, b.f.d. A.E. Xolliyev hamda Ilmiy-innovatsion ishlanmalarni tijoratlashtirish bo‘limi boshlig‘i O.O. Sayfullayevlar ham ishtirok etishdi.Forum doirasida ishtirokchilar ilmiy tadqiqot institutlari, oliy ta’lim muassasalari va ilmiy markazlar tomonidan ishlab chiqilgan innovatsion mahsulotlar bilan yaqindan tanishdilar. Forumda b.f.d., professor A.E. Xolliyev tomonidan ishlab chiqilgan g‘o‘za va boshqa ekinlarning ekologik stressorlarga chidamliligini oshiruvchi yangi qurilma taqdimot qilindi. Ushbu qurilma orqali g‘o‘za va boshqa ekinlarning urug‘lari dastlabki ishlovdan o‘tkaziladi. Buning natijasida ularning ekologik stressorlarga chidamliligi oshadi, hosildorlik odatdagidan 15-20 foizga oshadi. Ushbu qurilmaning ahamiyati Buxoro viloyati sharoitida yanada samaraliroq hisoblanadi. Forum doirasida Buxoro viloyati hokimligi, Buxoro davlat universiteti, Buxoro viloyat qishloq xo’jalik boshqarmasi hamda Innovatsion rivojlanish vazirligi hamkorligida ushbu loyihani tijoratlashtirish bo‘yicha 4 tomonlama shartnoma imzolandi. BuxDU Matbuot xizmati