11.01.2022

Buxoro davlat universiteti “Iqtisodiyot va turizm fakulteti” professor o‘qituvchilari ilm-fan va ishlab chiqarish intergatsiyasini kuchaytirish, viloyat korxonalarida ishlab chiqarish samaradorligini oshirishda oliy ta’lim muassasalarining ishtirokini oshirish maqsadida Buxoro viloyati Vobkent tumanida joylashgan “G`ayrat CHodak” MChJ ga qarashli “Ekvatarial Chodak” jinsi shim ishlab chiqarish korxonasida hamda Qorovulbozor tumanida joylashgan “Qodirjon Faxriddin zamini” fermer xo‘jaligida bo‘lib ishlab chiqarish jarayoni bilan tanishishdi. Tanishish jarayonida korxonalarda ishlab chiqarilayotgan yengil sanoat hamda qishloq xo‘jalik mahsulot turlari, tayyor mahsulotlarni bozordagi o‘rni, chet el davlatlari bilan hamkorliklar, ish o‘rinlari soni, korxona quvvatini oshirish masalalarida suhbatlashildi. Ichki va tashqi bozorlarda korxonalarning o‘z savdo belgisi ostidagi sotuv shaxobchalarini ochish bo‘yicha tavsiyalar berildi. Korxonalarda mehnat faoliyatini yuritayotgan hamda amaliyot o‘tayotgan“Iqtisodiyot va turizm fakulteti” talabalarining amaliyot jarayoni va amaliyot o‘tash uchun yaratilgan sharoitlar bilan ham tanishildi. Shu bilan bir qatorda kelajakda hamkorlik qilish, marketing tadqiqotlar, iqtisodiy tahlillar o‘tkazish bo‘yicha kelishib olindi.BuxDU Matbuot xizmati