O‘zbek tili va adabiyoti kafedrasi

Kafedraning tarixi, ta’lim yo‘nalishlari, ilmiy-tadqiqot faoliyati, amaliyot va bandlik, ilmiy hamkorlik hamda moddiy-texnik bazasi haqida ma’lumot

Filologiya fanlari doktori, professor

Kafedra tarixi

O‘zbek tili va adabiyoti kafedrasi 1933-yilda tashkil etilgan. 1945-yildan boshlab fakultetda o‘zbek tilshunosligi hamda o‘zbek adabiyoti kafedralari shakllandi. Mazkur kafedralarda turli yillarda taniqli adib, olim va pedagoglar faoliyat olib borgan.

Ular orasida adib va olim, professor Abdurauf Fitrat, akademik Vohid Abdullayev, Miyon Buzruk Solihov, Qayum Karimov, professor M. Mirzayev, professor S. Aliyev, professor M. Yunusov, Toshpo‘lat Hamid, professor T. Qorayev, O. Safarov, R. Vohidov, G‘. Murodov, Sh. Ahmedova va boshqa ko‘plab ustoz va olimlar bor.

Kafedra jamoasi respublika va xorijiy ilmiy markazlar bilan hamkorlik qilib, yuqori malakali ilmiy va pedagogik kadrlarni tayyorlashga katta hissa qo‘shib kelmoqda. Kafedra olimlarining yuzdan ziyod ilmiy risola, qo‘llanma, lug‘at va darsliklari ilmiy jamoatchilik tomonidan e’tirof etilgan.

Kafedraning ilmiy-pedagogik salohiyati

Kafedrada fan doktorlari, professorlar, fan doktorlari va dotsentlar, filologiya fanlari bo‘yicha falsafa doktorlari (PhD) hamda tajribali o‘qituvchilar faoliyat olib boradi.

Ta’lim yo‘nalishlari va mutaxassisliklar

Doktorantura va ilmiy kadrlar tayyorlash

Kafedra professor-o‘qituvchilari ilmiy rahbarligida doktorantura, tayanch doktorantura va mustaqil izlanuvchilik shakllarida ilmiy kadrlar tayyorlanmoqda.

Ilmiy-tadqiqot faoliyati

Kafedrada asosan o‘zbek mumtoz adabiyoti, XX asr adabiyoti va hozirgi adabiy jarayon hamda folklorshunoslik yo‘nalishlarida ilmiy-tadqiqot ishlari olib boriladi.

Amaliyot va bitiruvchilar bandligi

2026–2027-o‘quv yilida bitiruvchi talabalar hududlardagi ta’lim muassasalarida pedagogik amaliyotga biriktirildi. Amaliyot jarayonlari career.edu.uz elektron platformasi orqali tashkil etilib, talabalar, oliy ta’lim muassasasidan biriktirilgan rahbarlar hamda amaliyot o‘tayotgan tashkilotlar o‘rtasidagi hamkorlik yo‘lga qo‘yildi.

Bitiruvchilarga o‘zbek tili va adabiyoti o‘qituvchisi, metodist, muharrir, korrektor, kutubxonachi, oliy va professional ta’lim muassasalaridagi tegishli lavozimlar hamda boshqa mutaxassislikka mos ish o‘rinlariga yo‘naltirish bo‘yicha amaliy yordam ko‘rsatilmoqda.

Ilmiy hamkorlik

Kafedra xorijiy va respublika miqyosidagi nufuzli universitetlar hamda ilmiy-tadqiqot muassasalari bilan ilmiy hamkorlikni yo‘lga qo‘ygan.

Respublikadagi hamkor tashkilotlar

Kafedraning ilmiy yo‘nalishlari

Kafedrada o‘qitiladigan asosiy fanlar

Moddiy-texnik baza

Kafedrada ta’lim jarayonini zamonaviy pedagogik va axborot-kommunikatsiya texnologiyalari asosida tashkil etish, professor-o‘qituvchilar hamda talabalarning samarali faoliyat olib borishi uchun zarur moddiy-texnik bazani rivojlantirishga alohida e’tibor qaratiladi.

O‘quv xonalari zarur mebel jihozlari, kompyuter texnikalari, printer va nusxa ko‘chirish vositalari, multimedia qurilmalari, videoproyektorlar, ekranlar hamda internet tarmog‘iga ulanish imkoniyatlari bilan ta’minlangan. Elektron ta’lim resurslaridan ma’ruza, seminar, amaliy mashg‘ulotlar va mustaqil ta’lim jarayonlarida keng foydalaniladi.

O‘zbek tili va adabiyoti kafedrasi

Kafedra ta’lim sifati va ilmiy salohiyatni oshirish, zamonaviy axborot texnologiyalarini o‘quv jarayoniga keng joriy etish, ilmiy maktablarni rivojlantirish hamda talabalarning ilmiy-tadqiqot faoliyatini qo‘llab-quvvatlash yo‘nalishida faoliyat olib boradi.