BUXORO DAVLAT UNIVERSITETI
Matematik analiz kafedrasi
Fundamental matematika, funksional analiz, operatorlar nazariyasi va matematik ta’lim metodikasi sohalarida yuqori malakali mutaxassislarni tayyorlash, ilmiy tadqiqotlarni rivojlantirish hamda xalqaro akademik hamkorlikni mustahkamlashga yo‘naltirilgan kafedra.
Tarixi 1960-yillarga borib taqaladi
Ilmiy maktab va seminarlar
Xalqaro ilmiy hamkorlik
Bakalavriat • Magistratura • Doktorantura
Kafedra haqida
“Matematik analiz” kafedrasi tarixi Buxoro davlat universiteti hamda sobiq Buxoro davlat pedagogika institutining tarixiy taraqqiyoti bilan chambarchas bog‘liq. Kafedra turli davrlarda turlicha nomlar bilan faoliyat yuritgan bo‘lsa-da, matematika ta’limini rivojlantirish, ilmiy tadqiqotlar olib borish va malakali matematik mutaxassislarni tayyorlash borasidagi o‘z an’analarini davom ettirib kelmoqda.
O‘tgan asrning 60-yillarida kafedra “Matematika” kafedrasi nomi bilan faoliyat yuritgan. Ushbu davrda unga A. Yusupov rahbarlik qilgan. Keyingi yillarda universitetning tashkiliy tuzilmasidagi o‘zgarishlar natijasida kafedra bir necha bor qayta tashkil etilgan.
Hozirgi kunda kafedra bakalavriat, magistratura va tayanch doktorantura bosqichlarida ta’lim jarayonini tashkil etish, matematik analizning zamonaviy yo‘nalishlarida ilmiy tadqiqotlarni olib borish, ilmiy seminarlar faoliyatini rivojlantirish va xalqaro hamkorlikni kengaytirish bilan shug‘ullanmoqda.
Kafedra tarixi va rivojlanishi
1960-yillar — “Matematika” kafedrasi
Kafedra “Matematika” nomi bilan faoliyat yuritgan. Ushbu davrda kafedra mudiri A. Yusupov bo‘lgan.
2010-yil — Kafedralarning birlashtirilishi
“Differensial tenglamalar” va “Algebra va analiz” kafedralari birlashtirilib, “Matematik fizika va analiz” kafedrasi tashkil etilgan. Unga fizika-matematika fanlari nomzodi G‘.I. Botirov rahbarlik qilgan.
2014–2015-yillar — Rahbarlik faoliyati
Fizika-matematika fanlari nomzodi R.T. Muxitdinov kafedra mudiri lavozimida faoliyat yuritgan.
2015–2018-yillar — “Matematika” kafedrasi
2015-yildan kafedra “Matematika” deb nomlangan. 2016-yil iyuligacha R.T. Muxitdinov, 2018-yil yanvarigacha esa fizika-matematika fanlari nomzodi, dotsent I.M. Jo‘raev rahbarlik qilgan.
2018–2019-yillar
2018-yil aprelidan 2019-yil iyunigacha kafedrani fizika-matematika fanlari nomzodi, dotsent N.H. Mamatova boshqargan.
2019–2020-yillar
2019-yil iyunidan 2020-yil mayigacha kafedraga fizika-matematika fanlari nomzodi, dotsent T.H. Rasulov rahbarlik qilgan.
2020-yil sentyabr — Qayta tashkil etilish
“Matematika” kafedrasi “Matematik analiz” va “Differensial tenglamalar” kafedralariga ajratilgan. “Matematik analiz” kafedrasi mudiri vazifasida fizika-matematika fanlari nomzodi, dotsent H.R. Rasulov faoliyat yuritgan.
2021-yil iyuldan — Yangi bosqich
Kafedra mudiri vazifasi fizika-matematika fanlari bo‘yicha falsafa doktori (PhD), dotsent E.B. Dilmurodovga yuklatilgan.
Kafedraning ilmiy salohiyati
Kafedrada ilmiy darajaga ega professor-o‘qituvchilar, tajribali pedagoglar, doktorant va tayanch doktorantlar faoliyat yuritib, ta’lim, ilmiy izlanishlar hamda yosh tadqiqotchilarni tayyorlash ishlariga hissa qo‘shmoqda.
Kafedra rahbariyati
Kafedra mudiri
Dilmurodov Elyor Baxtiyorovich
Fizika-matematika fanlari bo‘yicha falsafa doktori (PhD), dotsent.
Ta’lim yo‘nalishlari va mutaxassisliklar
🎓
Bakalavriat
Ta’lim yo‘nalishi kodi
60540100
Matematika
📚
Magistratura
Mutaxassislik kodi
70540101
Matematika
🔬
Tayanch doktorantura
Ixtisoslik kodi
01.01.01
Matematik analiz
Kafedraning ilmiy yo‘nalishlari
Kafedrada zamonaviy matematik analiz, operatorlar nazariyasi, ehtimollik jarayonlari hamda matematika ta’limi metodikasining dolzarb masalalari bo‘yicha ilmiy izlanishlar olib boriladi.
📊
Spektral analiz
Chiziqli operatorlarning spektral tahlili, ularning matematik xossalari va tadqiqot usullarini o‘rganish.
🔬
Stoxastik operatorlar
Kvadratik stoxastik operatorlar nazariyasi va uning matematik asoslarini tadqiq etish.
📚
Matematika ta’limi metodikasi
Ta’lim-tarbiya nazariyasi va metodikasi, matematika fanini samarali o‘qitishning ilmiy-pedagogik asoslari.
ILMIY MUHIT VA AKADEMIK MULOQOT
Kafedra qoshidagi ilmiy seminarlar
Kafedrada ilmiy izlanishlarni rivojlantirish, yangi matematik natijalarni muhokama qilish va yosh tadqiqotchilarning ilmiy salohiyatini oshirish maqsadida muntazam ilmiy seminarlar faoliyat yuritadi.
ILMIY SEMINAR
“Zamonaviy analiz va uning tadbiqlari”
Seminarda zamonaviy matematik analizning dolzarb masalalari yuzasidan ilmiy ma’ruzalar, fan doktorligi va falsafa doktorligi (PhD) dissertatsiyalarining muhokamalari o‘tkaziladi.
Seminar rahbari:
T.H. Rasulov, fizika-matematika fanlari nomzodi, dotsent
Kuni:
Har hafta seshanba
Vaqti:
14:30
Manzil:
BuxDU bosh bino, 417-xona
ILMIY-O‘QUV SEMINARI
“Analizning nostandart masalalari”
Doktorantlar, magistrantlar va talabalar uchun tashkil etilgan ushbu seminarda matematik analizning nostandart masalalari, ularni yechish usullari va tadqiqot yondashuvlari o‘rganiladi.
Seminar rahbari:
E.B. Dilmurodov, fizika-matematika fanlari bo‘yicha falsafa doktori (PhD)
Kuni:
Har hafta payshanba
Vaqti:
16:00
Manzil:
BuxDU bosh bino, 417-xona
Seminarlarning haftalik jadvali
| Seminar |
Hafta kuni |
Vaqti |
Xona |
| Zamonaviy analiz va uning tadbiqlari |
Seshanba |
14:30 |
417 |
| Analizning nostandart masalalari |
Payshanba |
16:00 |
417 |
Ilmiy hamkorlik
Kafedra xalqaro ilmiy markazlar va nufuzli oliy ta’lim muassasalari bilan keng ko‘lamli ilmiy hamkorlikni yo‘lga qo‘ygan. Hamkorlik doirasida ilmiy tajriba almashish, professor-o‘qituvchilar va tadqiqotchilar o‘rtasida akademik aloqalarni rivojlantirish, qo‘shma izlanishlarni amalga oshirishga e’tibor qaratiladi.
Xalqaro hamkorlar
- Baltik universiteti (Shvetsiya)
- Abdus Salam nomidagi Nazariy fizika xalqaro markazi (Italiya)
- Bern universiteti (Shveysariya)
- L.N. Gumilyov nomidagi Yevrosiyo milliy universiteti (Qozog‘iston)
- Qozon Federal universiteti (Rossiya)
- Novosibirsk davlat universiteti (Rossiya)
Respublika miqyosidagi hamkorlar
- O‘zbekiston Respublikasi Fanlar akademiyasi V.I. Romanovskiy nomidagi Matematika instituti
- O‘zbekiston Milliy universiteti
- Samarqand davlat universiteti
- Urganch davlat universiteti
- Qoraqalpoq davlat universiteti
- Qarshi davlat universiteti
Hamkorlikning ahamiyati
Kafedraning ilmiy aloqalari fundamental matematik tadqiqotlarni rivojlantirish, akademik tajriba almashish va yosh olimlarning xalqaro ilmiy muhitga integratsiyalashuviga xizmat qiladi.
Kafedrada o‘qitiladigan fanlar
Kafedra professor-o‘qituvchilari tomonidan bakalavriat va magistratura bosqichlarida fundamental, umumkasbiy va ixtisoslik fanlari o‘qitiladi. Mazkur fanlar talabalarning matematik tafakkuri, analitik fikrlashi, ilmiy tadqiqot olib borish qobiliyati va kasbiy kompetensiyalarini rivojlantirishga xizmat qiladi.
BAKALAVRIAT
Bakalavr ta’lim yo‘nalishlari uchun fanlar
Matematik analiz va nazariya
- Matematik analiz
- Funksional analiz
- Kompleks o‘zgaruvchili funksiyalar nazariyasi
- Funksional analizning tanlangan boblari
- Matematik analizning tanlangan boblari
Ehtimollik va statistika
- Ehtimollar nazariyasi va matematik statistika
- Statistika
- Ehtimollik va statistika
Amaliy va pedagogik fanlar
- Diskret matematika va matematik mantiq
- Matematika o‘qitish metodikasi
- Oliy matematika
- Hisob (Calculus)
- Mantiq asoslari
MAGISTRATURA
Magistratura mutaxassisliklari uchun fanlar
Chuqurlashtirilgan matematik analiz
- O‘lchovlar va integrallar nazariyasi
- Banax fazolarida operatorlar nazariyasi
- O‘z-o‘ziga qo‘shma operatorlar nazariyasi
- Analizning tanlangan boblari
Spektral nazariya va tadqiqot
- Operatorli matritsalarning spektral xossalari
- Umumlashgan Fridrixs modelining spektral xossalari
- Pedagogik tadqiqotlarda statistik modellar
- Maxsus fanlarni o‘qitish metodikasi
Bog‘lanish uchun
Manzil
Buxoro shahri, M. Iqbol ko‘chasi, 11-uy,
Buxoro davlat universiteti
Telefon
+998 91 418-95-11
buxdu_rektor@buxdu.uz
(+998) 65 221-30-46
UZ
RU
EN
ZH-CN
