16.09.2026

O‘zbekiston Respublikasi Oliy ta’lim, fan va innovatsiyalar vazirligi hamda Kambag‘allikni qisqartirish va bandlik vazirligining tegishli qaroriga muvofiq, 2026-yil 1-sentabrdan boshlab o‘rta maxsus va kasbiy ta’lim tashkilotlari, shuningdek, oliy ta’lim tashkilotlari huzuridagi akademik litseylarning pedagog hamda rahbar xodimlari uchun yangilangan bazaviy tarif stavkalari belgilandi.

Qarorda 2026-yil 1-sentabrdan budjet tashkilotlari xodimlarining ish haqi va stipendiyalar miqdori 7 foizga oshirilgani, mehnatga haq to‘lashning eng kam miqdori oyiga 1 360 000 so‘m, bazaviy hisoblash miqdori esa 440 000 so‘m etib belgilangani qayd etilgan.

Shuningdek, oliy ta’lim tashkilotlari huzuridagi akademik litsey o‘qituvchilari uchun bazaviy tarif stavkalari lavozimiga qarab 3 731 840 so‘mdan 5 503 920 so‘mgacha etib belgilangan.

Mazkur qaror bo‘yicha tegishli ta’lim tashkilotlarida tushuntirish ishlarini olib borish hamda rahbar va pedagog xodimlarning ish haqlarini yangi tarif stavkalari asosida qayta hisob-kitob qilish vazifasi belgilangan.

Eslatma: qarordagi tarif stavkalari bevosita o‘rta maxsus, kasbiy ta’lim tashkilotlari hamda oliy ta’lim muassasalari huzuridagi akademik litseylarning tegishli xodimlariga taalluqlidir.