5140100– biologiya ta’lim yo’nalishi O’zbekiston Respublikasi Vazirlar Mahkamasining 2011-yil 16-avgustdagi № 343-qarori bilan tasdiqlangan.
Kunduzgi bo’limda o’qish muddati 4 yil bo’lib, malakaviy darajasi – “Bakalavr” .
Biologiya kafedrasi 1930-yilda Buxoro davlat pedagogika instituti qoshida tashkil qilingan Botanika va Zoologiya kafedlarining 2011-yilda qo`shilishi natijasida shakllantirilgan.
Uning asosiy vazifasi tuban va yuksak o’simliklar va hayvonlarning tabiatda tarqalishi, sistematikasi, geografik o’rni, ularning anatomiyasi va morfologiyasi, sitologiyasi hamda xalq xo’jaligidagi ahamiyatini talabalarga o’rgatishdan iborat. Shuningdek, kafedra professor-o’qituvchilari viloyatdagi o’simliklar yuzasidan ilmiy izlanishlar olib boradilar.
Botanika kafedrasi faoliyatining boshlanishida va uni davom ettirishda bir qator professor-o’qituvchilar rahbarlik qilgan hamda pedagogik va ilmiy faoliyat ko’rsatgan. H.H.Guzairov, H.T.Boltaev, M.H.Xalliov, A.R.Akramov, H.Qosimova, A.Fayziyev kabi professor va dotsentlar shular jumlasidandir.
1995-yilda kafedra mudiri lavozimida b.f.n., prof. S.Bo’riyev faoliyat yuritgan. Kafedra qoshida “Biotexnologiya muammolari” ilmiy laboratoriyasi ochilgan. Laboratoriyaning asosiy yo’nalishlari “Buxoro viloyatidagi oqоva va kollektorlar suvlarini tozalashning biotexnologiyasini yaratish”dan iboratdir.
Ilmiy laboratoriyada bajarilayotgan ishlar yuzasidan Respublika fan va texnologiya qo’mitasining bir qator grantlari olindi va xo’jalik shartnomalari bajarilmoqda. Hozirgi kunda ham bu ilmiy-tadqiqot ishlari davom ettirilmoqda.
Kafedrada “Biotexnologiya” (03.00.23) mutaxassisligi bo’yicha aspirantura ochildi. Ushbu soha bo’yicha 5 ta fan nomzodi (Rashidov N.E., Hayitov Yo.Q., Mustafoyeva M.I., Norboyeva U.T., Toxirov B.B.) himoya qildi.
Biologiya kafedrasida talabalarga o`simliklar va hayvonlar dunyosiga mansub bo`lgan fanlar o`qitiladi va ular bo`yicha ilmiy-tadqiqot ishlari olib borilmoqda. Bunday fanlarga zoologiya, o`simliklar fiziologiyasi, sitologiya, mikrobiologiya, biotexnologiya, o`simliklar geografiyasi, o`simliklar ekologiyasi, o`simliklarning suv rejimi, odam va hayvonlar anatomiyasi va fiziologiyasi, biofizika fanlari kiradi.
Zoologiya kafedrasi 1930-yilda Buxoro davlat pedagogika instituti huzurida tashkil qilindi. Turli yillarda (to 1953-yilgacha) kafedrani prof. F.A.Turdakov, dots. I.H.Maqsudov, prof. P.N.Karlenko kabi taniqli olimlar boshqargan. 1953-yildan to 1996-yilgacha kafedraga prof. M.O.Abdullayev mudirlik qilgan.
BuxDU rektorining 2008-yil 10-iyuldagi № 176- U buyrug’i bilan Botanika va Zoologiya kafedralari birlashtirildi va “Biologiya” kafedrasi deb nomlandi. 2010-yil №346-U buyruqqa asosan kafedralar yana “Botanika” va “Zoologiya”ga ajratildi. 1996-yildan 2010-yilgacha Zoologiya kafedrasida prof. S.B.Baqoev, Botanika kafedrasida S.Bo`riyev kafedra mudiri lavozimida faoliyat ko’rsatdi.
S.B.Bo’riyev 14 yil davomida kafedra mudiri lavozimini muvaffaqiyatli bajardi. Qisqa muddat ichida uning rahbarligida 6 ta fan nomzodlari himoya qildi. Fan va texnologiya qo`mitasi granti g`olibi (3 marta) bo`lishga erishildi hamda bir qator xo`jalik shartnomalari tuzildi. Ular hozirgi kunda amalga oshirilmoqda.
Kafedra professori S.B.Bo’riyev 200dan ortiq maqolalar, tezislar, risolalar, monografiyalar va o`quv qo`llanmalar muallifi.
2011-yilda Botanika va Zoologiya kafedralari negizida “Biologiya” kafedrasi tashkil etildi. Hozirgi vaqtda kafedrada 7 ta fan nomzodi, dotsentlar N.E.Rashidov, A.E.Xolliyev, M.I.Mustafayeva, U.T.Norboyeva, B.O.Komilova, M.I.G’ulomov, B.B.Toxirov; katta o’qituvchilar S.M.Gafarova, B.I.Jabborov; o’qituvchilar R.R.Rahmonov, A.R.Rayimov, H.Q.Esanov, Z.T.Safarova, N.M.Hasanova, N.M.Toshev, N.A.Shamsiyev, N.A.Azizova va G.B.Muslimovalar faoliyat ko’rsatgan.
2011-2012 yillarda b.f.n, dotsent M.I Mustafoyeva v.b Biologiya kafedrasi mudiri lavozimida faoliyat ko`rsatdi. 2010-yili 3-kurs talabasi Amonova Matluba, 2012-yil Atoyeva Ruxsoralar M.I.Mustafoyeva rahbarligida Ulug`bek nomidagi davlat stipendiati sovrindorlari bo`lishgan.
2012-2014 yillarda kafedra dotsenti N.E Rashidov kafedra mudiri lavozimida ishlagan. 2005-yil 3-kurs talabasi Achilova Xolida, 2007-yil Sadullayeva Dilrabo biologiya bo`yicha respublika fan olimpiadasi bosqichida faxrli II o`rinni egallashgan, 2014-yil Halimova Shaxina M.I.Mustafoyeva rahbarligida Ulug`bek nomidagi davlat stipendiati sovrindorlari bo`lishgan.
Kafedrada “Gidrobiologiya va ixtiologiya” mutaxassisligi bo’yicha magistratura ochildi. Magistrlar mutaxassisligi bo’yicha o’qishi bilan birga magistrlik dissertatsiyasi bo’yicha ilmiy-tadqiqot ishlarini olib borishadi.
2015-2019 yillar B.B.Toxirov kafedra mudiri lavozimida ishlagan.
“Biologiya” kafedrasida ilmiy-tadqiqot ishlari, asosan, “Buxoro viloyatidan chiqadigan kollektor-drenaj, komunal xo’jaliklaridan, zavod va fabrikalardan chiqadigan suvlarni biologik usulda tozalash va hosil bo’lgan biomassadan xalq xo’jaligining turli sohalarida foydalanish”, “Buxoro viloyatidagi suv va suv oldi qushlarining bioekologiyasi” hamda “Buxoro viloyati baliqchilikka ixtisoslashgan suvliklarning baliq mahsuldorligi va uni oshirish”ga bag’ishlangan mavzular bo’yicha ilmiy-tadqiqot ishlari olib borilmoqda.
Kafedra a’zolari tomonidan 150 dan ziyod o’quv-uslubiy qo’llanmalari, shuningdek, ko’p sondagi ilmiy va ilmiy-uslubiy maqolalari chop etilgan.
2016-yil Raximov Jonibek respublika fan olimpiadasida III-o’rin va Ulug`bek nomidagi davlat stipendiati sovrindori, 2018 yilda “eng yaxshi tadqiqotchi talaba” guvohnomasi bilan, 2017 yil 3 kurs talabasi Ch.A.Aminjonova, 2019 yil 3-kurs talabasi S.A.Xudoyberdiyeva M.I.Mustafoyeva rahbarligida Ulug`bek nomidagi davlat stipendiati sovrindorlari bo`lishgan.
2019 yil avdustdan Biologiya kafedrasi yangi tashkil qilingan Agronomiya va biotexnologiya fakul`teti tarkibiga qo`shildi.
2022-yil fevraldan biologiya kafedrasi ikkiga Zoologiya va umumiy biologiya va Botanika va o’simliklar fiziologiyasi kafedralariga bo’lindi.
Hozirgi kunda Biologiya kafedrasida tayanch doktarantlar (PhD) 6 nafar, mustaqil izlanuvchilar (РhD) 9 nafar, doktarantlar (DсS) 4 nafar ilmiy tadqiqot ishlarini olib borishmoqda.
2019 yil 30 oktyabrdan kafedra huzurida “03.00.12-Biotexnologiya” ixtisosligi bo`yicha ilmiy kengash o`z faoliyatini boshladi.
Tayyorlanadigan bakalavr yo‘nalishlari:
5140100 –Biologiya ta’lim yo’nalishi
Tayyorlanadigan magistratura mutaxassisliklari:
70510101 –Ixtiologiya va gidrobiologiya
Kafedra ilmiy yo‘nalishlari:
03.00.05– Ixtiologiya
03.00.07 – Gidrobiologiya
Ornitologiya
Zoologiya
Kafedrada o‘qitiladigan fanlar:
Bakavriat:
1. Odam anatomiyasi
2. Odam va hayvon fiziologiyasi
3. Gistologiya va Embriologiya
4. Zoologiya
5. Genetika va Genomika
6. Biologiyani o’qitish metodikasi oliy nerv faoliyati
7. Oliy nerv faoliyati va markaziy nerv sistemasi
8. Yosh fiziologiya va gigiyena
9. Zoogeografiya
10. Baliqlar ekologiyasi
11. Anatomiya
12. Biologiya va genetika
Magistratura:
1. Umumiy gidrobiologiya
2. Baliq kasalliklari
3. Suv o`simliklarini ko`paytirish
4. Hovuz baliqchiligini tashkil qilish
5. Baliqlar biologiyasi
A`zolar:
Shamsiyev Naim Amonovich (katta o`qituvchi)
G’oziyeva Gulandom Abduvoxidovna (-)
Xalilova Feruza Mamatkulovna (o'qituvchi)
To’ymurodova Shoira Shavkat qizi (-)
Safarova Zakiya Teshayevna (o'qituvchi)
Pardayev Shamedin XXX (DOTSENT)
Xodjayeva Zarina Faxriddin qizi (o'qituvchi)
Rahmonov Nurali Raxim o’g’li (-)
Aripov Baxtiyor Farmonovich (-)
Toshov Hayot Muhammadovich (o'qituvchi)
Sadullayeva Dilrabo Mardonovna (-)
Avezova Muhayyo Hasan qizi (-)
To`rayev Muxtor Murodovich (dotsent)
