Usmon Qudratovich Toshev 1965 yil 23 sentyabr O'zbekiston Respublikasi Buxoro viloyati Buxoro shaxrida tug`ilgan. Usmon Toshev himoyachi va yarim himoyachi pozitsiyalarida o'ynagan o'zbek futbolchisi hisoblanadi. U O'zbekiston milliy terma jamoasida o'ynagan. Hozirgi kunda u murabbiylik qilib kelmoqda. 2018 yil noyabr oyidan u Tojikiston milliy va olimpiya terma jamoalari bosh murabbiyi. Shuningdek, u OFK va FIFAning futbol bo'yicha instruktoridir.
Buxoro bolalar va o'smirlar sport maktabi tarbiyalanuvchisi. U Buxoroning "Yoshkuch" klubi yoshlar jamoasida o'ynagan. 1985 yildan 1987 yilgacha Zarafshon klubida o'ynagan. 1987 yilda Buxoro davlat universitetini sport o'qituvchisi mutaxassisligi bo'yicha tugatgan. 1988 yilda u Toshkent Paxtakorida o'ynagan. 1989-1991 yillarda Buxoroning Nurafshon jamoasida o'ynagan.
1992 yilda u Rossiyaning Volgodonskdagi "Atommash" jamoasida o'ynadi. O'sha yili u yana "Nurafshon" da o'ynadi. 1992-1993 yillarda Vengriyaning "Solnok" klubida o'ynagan. 1994-1998 yillarda u "Buxoro" klubi futbolchisi bo'lgan. 1998 yilda u Gretsiyaning Keratsini klubida ham o'ynagan. 1999 yilda u "Buxoro" da futbolchilik faoliyatini yakunlagan.
1994 yilda u O'zbekiston milliy terma jamoasi safida ikkita, Tojikiston va Qirg'iziston terma jamoalariga qarshi o'yinlarda qatnashgan.
Futbolchilik faoliyatini yakunlagach u "Buxoro" klubiga bosh murabbiy etib tayinlanib, 2000 yildan 2008 yilgacha ushbu klubga rahbarlik qilgan. 2002 yilda Buxoroda bo'lib o'tgan "Universiada-2002" talabalar milliy o'yinlarida Buxoro viloyati futbol terma jamoasining bosh murabbiyi bo'lgan va unda Buxoro viloyati futbol jamoasi chempion bo'lgan.
