Buxoro davlat universiteti Tabiiy fanlar fakulteti Biologiya kafedrasi qoshidagi Zoomuzey tashkil qilingan. Buxoro davlat pedagogika instituti 1930 yilda tashkil qilingan yildan boshlab, muzey materiallari yig‘ila boshlangan. Zoomuzeyni tashkil qilishda professorlar M.A. Abdullaev, B.S.Baqoevlarning xizmatlari katta. 1991 yilda F.R. Xolboev zoomuzey ilmiy xodimi lavozimida ishlagan davrida zoomuzey materiallarini qayta tartibga keltirishda jonbozlik ko‘rsatdi. Talabalarga zoologiya, bioxilma-xillik, zoogeografiya fanlarini o‘qitishda keng miqyosda foydalanib kelinmoqda. 2001 yilda R.R. Raxmonov zoomuzey ilmiy xodimi lavozimida ishlagan davrda “fauna” ishlab chiqarish labaratoriyasini tashkil qilib, maktab, litsey va kollejlar bilan shartnoma asosida biologiyaga oid o‘quv ko‘rgazma materiallari etkazib berildi. Zoomuzey materiallaridan foydalanib talabalar kurs ishlarini, bitiruv loyiha ishlarini yozishda foydalanib kelmoqdalar. Hozirgi kunda Zoomuzey materiallaridan foydalanib biologiya kafedrasi katta o‘qituvchisi Raxmonov Rashid Raximovich “Buxoro viloyatida ovlanadigan hayvon turlari:faunasi, ekologiyasi va barqaror foydalanilishi” mavzusida Biologiya fanlari bo‘yicha falsafa doktori (PhD) ilmiy darajasini olish uchun dissertatsiya ishini olib bormoqda. Kafedra o‘qituvchilaridan H.M. Toshov, N.A. Shamsiev, A.R. Rayimovlar ham o‘z ilmiy tadqiqot ishlarini zoomuzey materiallaridan foydalanib olib bormoqdalar. Hozirgi kunda shaxar va tumanlardan maktab o‘quvchilari biologiya fanlaridan olgan bilimlarini mustahkamlashda zoomuzeyga tez-tez kelib turadilar.Zoomuzeyda nafaqat O‘zbekistonda balki MDH davlatlariga xos fauna bilan ham tanishish mumkin.
