Departament boshlig'i
Inson resurslarini boshqarish departamenti
907188817
Inson resurslarini boshqarish departamentining faoliyati va vazifalari:
BuxDU Inson resurslarini boshqarish departamenti universitetning tarkibiy bo‘limi hisoblanadi. Inson resurslarini boshqarish departamenti universitet Ustavi, Inson resurslarini boshqarish departamenti Nizomi asosida ish yuritadi. O‘z amaliy faoliyatida O‘zbekiston Respublikasi Oliy va o‘rta maxsus ta’lim vazirligi buyruqlari, universitet buyruq va ko‘rsatmalariga amal qiladi. O‘zbekiston Respublikasi qonunlari, Kadrlar tayyorlash milliy dasturini, Prezident Farmoyishlarni, Vazirlar Mahkamasining ta’lim va yosh avlodni tarbiyalash, bilim berish haqidagi qarorlarini amalda qo‘llagan holda, universitet rahbariyati bilan birgalikda kerakli mutaxassislikka va malakaga ega bo‘lgan, ish saviyasi, uslubi talabga javob bera oladigan professor-o‘qituvchilar va xodimlar bilan ta’minlashni tashkil etadi.
Inson resurslarini boshqarish departamenti tarkibida ish turlari bo‘yicha quyidagi guruhlar belgilanadi:
• professor-o‘qituvchilar, o‘quv-yordamchi, ma’muriy va xizmat ko‘rsatuvchilar tarkibi bilan ishlash;
• talabalar va yosh mutaxassislar bilan ishlash.
Har bir guruhda ish Inson resurslarini boshqarish departamenti boshlig‘i rahbarligi ostida lavozim yo‘riqnomalariga muvofiq mustaqil ravishda katta inspektor va inspektorlar tomonidan olib boriladi.
•Inson resurslarini boshqarish departamenti universitet bo‘limlarida shtat jadvali tartibiga rioya qilinishini nazorat qiladi va bo‘limlar tomonidan aniqlangan kamchiliklarni bartaraf etadi.
• Inson resurslarini boshqarish departamenti o‘z ish malakalarini oshirishi, mehnat qonunchiligi asosida ichki tartib-qoidalarini bajarishlari lozim.
• Inson resurslarini boshqarish departamenti boshlig‘i lavozimida oliy ma’lumotli, kadrlar ishida kamida 5 yil stajga ega bo‘lganlar ishga qabul qilinadi.
• Inson resurslarini boshqarish departamenti boshlig‘i O‘zbekiston Respublikasining amaldagi qonunchiligiga, universitet Ustaviga, Inson resurslarini boshqarish departamenti Nizomiga hamda lavozimiy yo‘riqnomaga amal qilishi zarur.
• Inson resurslarini boshqarish departamenti universitet nomi yozilgan dumaloq muhrga ega.
Inson resurslarini boshqarish departamentining vazifalari:
• Professor-o‘qituvchi xodimlarni ishga qabul qilish, ishdan bo‘shatish, lavozimini o‘zgartirish, konkursdan, attestatsiyadan o‘tish muddatlarini aniqlab, belgilashni nazorat etish;
• professor-o‘qituvchi xodimlar va talabalar, ish, o‘qish intizomini universitet ichki tartib-qoidalari va O‘zbekiston Respublikasi qonunlarini buzmasliklarini nazorat qilish, shu jumladan, ularni rag‘batlantirish, moddiy yordam ko‘rsatish, intizomiy jazo qo‘llash to‘g‘risida taklif kiritish;
• universitet shtat jadvalini moliya-reja bo‘limi bilan birgalikda muvofiqlashtirish;
• kadrlar masalasi bo‘yicha boshqa yuqori tashkilotlar bilan aloqa qilish;
• bakalavriatura, magistratura va doktorantura bitiruvchilarini universitetda ishlashga jalb etish maqsadida muloqotda bo‘lish;
• professor-o‘qituvchi, ishchi-xodimlar, talabalar shaxsiy ish jildini, T-2 kartochkalarini belgilangan tartibda olib borishni nazorat etish;
• professor-o‘qituvchi, ishchi-xodimlarga shaxsiy guvohnomalar, ma’lumotnomalar berish, o‘z vaqtida guvohnoma muddatining uzaytirilishini nazoratga olish;
• bitiruvchi talabalarga diplom blankalari va ilovalari o‘z vaqtida to‘g‘ri to‘ldirilishini nazorat etish;
• mehnat daftarchasi yuritish va ularning hisobini to‘g‘ri olib borish;
• harbiy xizmatga majbur bo‘lganlar, chaqiruv yoshidagi o‘smirlarning hisobini olib borish;
• nafaqa yoshiga yetgan professor-o‘qituvchi va xodimlarning taqdimnoma va hujjatlarini to‘g‘ri tayyorlash va turar joylari bo‘yicha pensiya tayyorlash ijtimoiy-ta’minot bo‘limlariga topshirilishini nazorat qilish;
• universitetdagi barcha toifali o‘qituvchi va xodimlarning belgilangan shaklda statistik hisobini olib borish;
• har oyda tuman aholini ish bilan ta’minlash va ijtimoiy himoyalash bo‘limiga kvotali joylar haqida va ishchilar tarkibi haqida ma’lumot berish;
• mehnat shartnomasini yozma ravishda 2 nusxada tuzishni nazorat qilish;
• xorijga safarbarlik va mehnat ta’tili berish bo‘yicha buyruqlarning o‘z vaqtida bajarilishini nazorat qilish.
Bo`lim manzili: Buxoro shahar, M.Iqbol ko'chasi, 11-uy, 2-qavat, Inson resurslarini boshqarish departamenti.
