Axborot-resurs markazi

Buxoro davlat universiteti Axborot-resurs markazi ta’lim va ilmiy-tadqiqot jarayonlarini zamonaviy axborot-kutubxona resurslari, bosma va elektron adabiyotlar, raqamli platformalar hamda qulay o‘quv muhitlari bilan ta’minlaydi.

Axborot-resurs markazi raqamlarda

Markaz haqida

Buxoro davlat universiteti Axborot-resurs markazi ta’lim jarayonini axborot bilan ta’minlash uchun zarur moddiy-texnik va axborot resurslariga ega. Markazdagi o‘quv va ilmiy adabiyotlar fondi universitetda amalga oshirilayotgan ta’lim dasturlarida belgilangan fanlar va modullar mazmuniga muvofiq shakllantirilgan.

Darslik va o‘quv qo‘llanmalar talabalarning nazariy hamda amaliy tayyorgarligini ta’minlashga, ilmiy adabiyotlar, monografiyalar va dissertatsiyalar ilmiy-tadqiqot faoliyatini qo‘llab-quvvatlashga, elektron resurslar esa masofaviy va mustaqil ta’lim imkoniyatlarini kengaytirishga xizmat qiladi.

Axborot-kutubxona fondi

Axborot-resurs markazining umumiy fondi 111 639 nomdagi 294 795 nusxa adabiyotdan iborat.

Elektron axborot resurslari

Axborot-resurs markazida 23 833 nomdagi to‘liq matnli elektron resurslar mavjud. Elektron bazadagi adabiyotlar yo‘nalishlar bo‘yicha joylashtirilgan bo‘lib, foydalanuvchilar ulardan unilibrary.uz orqali foydalanish imkoniyatiga ega.

Elektron katalog

Axborot-resurs markazi elektron katalogida 293 507 ta adabiyotning elektron to‘liq matnli nusxalari mavjud.

Kitobxonlarga xizmat ko‘rsatish

2025-yil davomida foydalanuvchilarga jami 891 933 ta adabiyot taqdim etilgan. Ularning 226 403 tasi elektron, 665 530 tasi esa bosma adabiyotlarni tashkil etadi.

Barcha foydalanuvchilar uchun qulay muhit

Imkoniyati cheklangan talabalar uchun Axborot-resurs markazida maxsus kirish yo‘li — pandus mavjud. Markazning 2-qavatida ular uchun kompyuterlar ajratilgan va jihozlangan. Audio kitoblar bazasi shakllantirilib, kompyuterlarga joylashtirilgan.

Moddiy-texnik baza

Shuningdek, markazda 1 ta rangli printer va 1 ta televizor mavjud.

O‘quv va elektron zallar

Axborot-resurs markazida talabalar va foydalanuvchilar uchun 9 ta an’anaviy o‘quv zali va 5 ta elektron o‘quv zali faoliyat yuritadi. Markaz va uning tarmoq kutubxonalaridagi o‘quv hamda elektron zallarning umumiy sig‘imi 333 o‘rinni tashkil etadi.

Davriy nashrlar

Fondni yangi adabiyotlar bilan boyitish

Universitet professor-o‘qituvchilari tomonidan yaratilgan adabiyotlar

2024–2026-yillarda ARM fondiga taqdim etilgan adabiyotlar

Axborot-resurs markazi bo‘limlari

ARM tarmoq kutubxonalari

Axborot-resurs markazi jamoasi

Axborot-resurs markazida jami 38 ta shtat birligi mavjud bo‘lib, hozirda 44 nafar xodim xizmat ko‘rsatmoqda. Xodimlarning kasbiy bilim va ko‘nikmalarini muntazam rivojlantirishga alohida e’tibor qaratiladi.

2024/2025-o‘quv yilida 16 nafar xodim O‘zbekiston Respublikasi Milliy kutubxonasida tashkil etilgan o‘quv-uslubiy malaka oshirish kurslarida ishtirok etib, diplom va sertifikatlarga ega bo‘lgan.

Zamonaviy axborot va bilim muhiti

Buxoro davlat universiteti Axborot-resurs markazi bosma va elektron adabiyotlar, zamonaviy texnik vositalar, elektron kutubxona imkoniyatlari hamda tarmoq kutubxonalari orqali professor-o‘qituvchilar, talabalar va xodimlarning ta’lim hamda ilmiy-tadqiqot faoliyatini axborot bilan ta’minlab kelmoqda.