Buxoro davlat universiteti rektorining 2019-yil 3-sentyabr 817-SH buyrug‘iga asosan “Tabiiy fanlar” fakulteti ikkiga ajratilib “Tabiy fanlar” va “Agronomiya va biotexnologiya” fakulteti sifatida tashkil etildi.
2020-yilgacha Agronomiya va biotexnologiya fakultetini dekan sifatida i.f.n., dotsent A.Q. Qodirov boshqargan.
Hozirgi kunda Agronomiya va biotexnologiya fakulteti Buxoro davlat universitetidagi peshqadam jamoalardan biri sifatida faoliyat ko`rsatmoqda va unga 2020-yil fevral oyidan b.f.d., prof. Artikova Hafiza Tuymurodovna boshchilik qilmoqda.
Fakultet jamoasi faoliyatini O‘zbekiston Respublikasining “Ta’lim to‘g‘risida”gi qonun, Respublikamiz Prezidentining “Oliy ta’lim tizimini yanada rivojlantirish chora-tadbirlari to‘g‘risida”gi qaroriga amal qilgan holda ish olib bormoqda.
Fakultet faoliyati oliy ta’lim, professional ta’lim, umumiy o‘rta va o‘rta maxsus ta’lim muassasalari hamda qishloq xo’jaligi va qayta ishlash sohalari uchun zarur bo‘lgan yuqori malakali mutaxassislar tayyorlashga qaratilgan.
Hozirgi kunda fakultetda 2 ta kafedra faoliyat olib boradi: "Biologiyasi" kafedrasi, "Tuproqshunoslik" kafedrasi. Ushbu kafedralardagi 9 ta ta’lim yo‘nalishlarida ta’lim olishning kunduzgi, sirtqi shakllaridan foydalaniladi. Fakultetda jami 61 dan nafar professor-o‘qituvchi faoliyat ko‘rsatadi. Faoliyat ko‘rsatayotgan professor-o‘qituvchilarning 19 nafari ilmiy darajaga ega.
