21.10.2026

Buxoro davlat universitetida axborot xavfsizligini ta’minlash, kiberxavfsizlik madaniyatini yuksaltirish hamda kriptografiya sohasining mazmun-mohiyatini keng targ‘ib qilishga qaratilgan tushuntirish va targ‘ibot ishlari olib borilmoqda.

Mazkur tadbirlar doirasida universitet professor-o‘qituvchilari, ishchi-xodimlari hamda talabalarga axborot resurslaridan xavfsiz foydalanish, shaxsga doir ma’lumotlarni himoya qilish, kuchli parollardan foydalanish, ikki bosqichli autentifikatsiyani joriy etish va internet tarmog‘idagi kiberxavflardan ogoh bo‘lish yuzasidan tushuntirishlar berilmoqda.

Shuningdek, kriptografiyaning axborotlarni himoyalashdagi o‘rni, ma’lumotlarni shifrlash usullari, elektron axborot almashinuvi xavfsizligini ta’minlash hamda zamonaviy raqamli texnologiyalardan foydalanishda axborot xavfsizligi talablariga rioya qilish masalalariga alohida e’tibor qaratilmoqda.

Targ‘ibot tadbirlari davomida fishing hujumlari, soxta havolalar, zararli dasturlar, ijtimoiy muhandislik usullari va boshqa kiberfiribgarlik holatlaridan himoyalanish bo‘yicha amaliy tavsiyalar ham berilmoqda.

Buxoro davlat universitetida ushbu yo‘nalishdagi ishlar axborot xavfsizligini mustahkamlash, raqamli muhitda mas’uliyatli xulq-atvorni shakllantirish hamda universitet jamoasining kibermadaniyatini yuksaltirishga xizmat qiladi.