Buxoro shahar xotin-qizlar qo‘mitasi Buxoro davlat universitetida “Xalqaro qizlar kuni”ga bag‘ishlab Qizlar festivalini o‘tkazdi. Unda viloyat Yoshlar ittifoqi faollari, universitet talablari, litsey-kollej va maktablarning yuqori sinf o‘quvchilari ishtirok etdilar.
Tadbir O‘zbekiston Respublikasida yoshlarga oid davlat siyosatining mazmun-mohiyatini aholiga etkazish, mamlakatimiz qizlariga bo‘lgan etiborni yanada yuksak pog‘onaga ko‘tarish, shuningdek, qizlarni bilim olishga bo‘lgan qiziqishlarini oshirish, uzluksiz ta’limning ahamiyatini tushuntirish va kasb-hunarga yo‘naltirish maqsadida “Xalqaro qizlar kuni” munosabati bilan tashkil etildi.Undan ko‘zlangan maqsad qizlarning bilim olishga, kitob o‘qishga bo‘lgan qiziqishini, ijtimoiy-siyosiy faolligini oshirish, iqtidorli qizlar safini kengaytirish, shu bilan birga uyushmagan qizlarni har tomonlama qo‘llab-quvvatlash, ularning kiyinish va muomala madaniyatini oshirish, ongi va qalbini g‘oyaviy tahdidlardan himoya qilish, bugungi ezgu islohotlarga faol munosabatini shakllantirish, sog‘lom turmush tarzini targ‘ib qilish hamda ularni oilaviy hayotga tayyorlashdir.
Universitet fayesida hunarmand qizlar yarmarkasi, sog‘lom turmush tarzini targ‘ib qiluvchi turli xil bukletlar ham namoyish etildi va yoshlarga tarqatildi.
Tadbir davomida iqtidorli qizlarning turli sohalardagi ijod namunalari namoyish etildi. Qizlar festivali kuy-qo‘shiqlar bilan nihoyasiga etdi.
Mannon Otaboy
BuxDU: matbuot kotibi
