Betakror diyorimizga yangi – 2018 yil kirib kelmoqda.
Siz, muhtaram universitetimizning faxriy ustozlari, pedagog-xodimlari va navqiron yoshlarini yaqinlashib kelayotgan yangi yil bayrami bilan Ma‘naviyat va ma‘rifat bo‘limi nomidan chin qalbimizdan tabriklaymiz.
Har bir yilning o‘z taqdim va taqvimi bo‘lgani kabi, biz bosayotgan qadamlarning o‘z mas‘uliyat va shukronasi bor. Oppoq orzular, yangi g‘oyalar bilan Yangi yilda yurak-yurakdan niyat qilamiz. Bayram bahonasida uzoq ko‘rishmagan yaqinlarimizni yo‘qlab, ularga iliqlik ulashamiz. Bu bayram barcha katta-kichik, yoshu qarilarning bayrami! Bu bayram mehr-muhabbat, sadoqat, do‘stlik, insoniylik bayrami!
Azizlar! Mana shu bebaho vaqtimizning har bir soniyasi qadriga yetaylik. Har bir kunning o‘zi bir bayram! Umrimizning xar bir laxzasini bayramdek nishonlab, hayotimizni shirin va baxtli, labda tabassum bilan o‘tkazaylik! Yugurik soatlar evaziga har onimizga aziz xotiralar bilan sahifa yasaylik! Zero, orzular abadiy, umr esa oqar daryo misol o‘tkinchi… Shu Yangi Kunga yetkazganiga shukur! Kirib kelgan yangi yil barchaga muborak, qadrli hamkasblar! Ushbu kirib kelayotgan Yangi yil barchamiz uchun yaxshi yil bo‘lib, baxtu iqbolga, omadu daromadga, quvonchu shodlikka to‘la yil bo‘lib bir umr yodimizda qolsin!.. Yangi yilingiz yana bir bor qutlug‘ bo‘lsin!
Yangi yil kelaver, qanday kelsang ham,
Kimlar yetdi senga, kimlar yetmadi.
Sen yangi yo‘ldoshsan, sen yangi hamdam,
Yo‘qlab kelganingning o‘zi bir bayram...
Ma`naviyat va ma`rifat bo`limi boshlig`i A.M.Jumayev
