Avvalambor, dunyodagi eng ulug’ va sharafli kasb egasi bo’lgan Siz, azizlarni bugungi qutlug’ ayyom – O’qituvchi va murabbiylar kuni bilan BuxDU Ma’naviyat va ma’rifat bo’limi nomidan chin qalbimdan tabriklayman.
Barchangizga ma’lumki jamiyatning buguni va ertasi, uning madaniy-ma’rifiy-ma’naviy salohiyati, ta’lim tizimining qay darajada rivojlanayotganligi bilan belgilanadi. Ta’lim tizimidagi islohotlarning muvaffaqiyati ko’p jihatdan o’qituvchi va murabbiylarning fidokorona mehnatlariga bog’liq ekanligi barchamizga ayon.
Ustoz deganda har qaysi inson ko’nglida chuqur hurmat-ehtirom va cheksiz minnatdorchilik tuyg’ulari, shu bilan birga, hech qanday boylik bilan o’lchab, ado qilib bo’lmaydigan qarzdorlik hissi paydo bo’ladi. Bu yorug’ olamda onadek mehribon, otadek g’amxo’r, har birimiz uchun aziz va mo’’tabar bo’lgan ulug’ zot – bu muallim va murabbiylardir.
Shu bois Sizlarni yaqinlashib kelayotgan 1 oktyabr – “Ustoz va murabbiylar” kuni munosabati bilan qancha olqishlasak, qancha sharaflasak shuncha oz! Siz ustozlarning poyingizga guldastalar sochib hurmatlab e’zozlasak arziydi.
Muhtaram ustoz va murabbiylar!
Siz, azizlarni 1 oktyabr – O’qituvchi va murabbiylar kuni bilan yana bir bor tabriklab, barchangizga sihat-salomatlik, xonadonlaringizga fayzu baraka, hayotda va mehnat faoliyatingizda baxt va omadlar yor bo’lishini tilab qolaman.
Dedilar: dunyoda asli kim aziz?
Aytdilar: ustozdir, ustoz begumon.
Tag’in aytdilarki: aziz shubhasiz
Ustoz qadriga etolgan inson.
Ma’naviyat va ma’rifat bo’limi boshlig’i A.Jumayev
