2017 yil 6 mart kuni 8- mart “Xalqaro xotin-qizlar kuni” munosabati bilan Buxoro Davlat universitetida ishlayotgan barcha xotin-qizlar hamda shu dargohda ko’p yillar ishlab nafaqaga chiqqan professor-o’qituvchi va xodim ayollar taklif qilinib, bir piyola choy ustida davra suhbati o’tkazildi. Ishtirokchilarga universitetning “Buxoro navolari” ansambli ishtirokida konsert dasturi tashkil etildi.
Dasturda pedagogika va filologiya fakultetlari professor-o’qituvchilari va talabalari tomonidan tayyorlangan turli sahna ko’rinishlari namoyish etildi. Universitetda faoliyat olib borayotgan barcha xotin-qizlar universitet fahriy yorlig’i bilan taqdirlandilar.
Shu kuni universitetning tarih va filologiya fakultetlarining 1600 nafar talabasi o’qiydigan 3-o’quv- laboratoriya binosining ochilishiga bag’ishlangan tantanalar ham bo’lib o’tdi. Universitet rektori binoning qurilish va rekonstruksiya ishlarida ishtirok qilgan me’mor va quruvchilarga jamoa nomidan minnatdorchilik bildirdi. O’z navbatida quruvchilar ham binoning ramziy kalitini topshirdilar. Tadbirda universitet huzuridagi Koreys markazi volontyori Ps Kang Heechun so’zga chiqib, o’zbek tilida bunday o’quv laboratoriya binolarining davlat tomonidan rekonstruksiya qilinishi muhim ahamiyat kasb etishini ta’kidlab, jamoadagi barcha xotin-qizlarni bayram bilan qizg’in muborakbod etdi.
