Buxoro davlat universiteti Iqtisodiyot va turizm fakulteti, “Yashil iqtisodiyot va agrobiznes” kafedrasi o‘qituvchilari ishtirokida “Biz korrupsiyaga qarshimiz” mavzusida kafedrada "Ma'rifat soati" bo'lib o'tdi. Kun tartibidagi masala yuzasidan ma`rifat soatini kafedra mudiri S.S. Davlatov va ma`naviy-ma`rifiy ishlar bo`yicha kafedra mas`uli F.K.Saidovalar ochib berdi. Korrupsiya bu — jamiyatni turli yo‘llar bilan iskanjaga oladigan dahshatli illatdir. Mazkur illat demokratiya va huquq ustuvorligi asoslariga putur yetkazadi, inson huquqlari buzilishiga olib keladi, bozorlar faoliyatiga to‘sqinlik qiladi, hayot sifatini yomonlashtiradi va odamlar xavfsizligiga tahdid soladigan uyushgan jinoyatchilik, terrorizm va boshqa hodisalar ildiz otib, gullashi uchun sharoit yaratib beradi.
