Buxoro davlat universiteti Korrupsiyaga qarshi kurash, komplayens nazorat bo'limi boshlig'i Y.K.Quliyev ishtirok etgan davra suhbatida korrupsiya atalmish illatning jamiyat rivojlanishiga nechog'lik to'sqinlik qilishi va unga qarshi birgalikda kurashish haqida aytib o'tildi.
"Korrupsiyaga qarshi ichki nazorat tizimini joriy etishning ustuvor vazifalarini o'z vaqtida, to'liq va sifatli amalga oshirish to'g'risida"gi buyrug'i va uning ilovasi bilan tanishtirildi. Hamda korrupsiyaga qarshi kurashish siyosatining maqsad va vazifalari haqida gapirib o’tildi. Bundan tashqari, mazkur siyosatning maqsadlari uchun qo’llaniladigan asosiy tushunchalar va atamalarga izoh berib o’tildi. Yig’ilishdan asosiy maqsad talabalarni korrupsiyasiz ta’limga da’vat va har xil noxush holatlarning oldini olishdan iborat edi. Barcha talabalarga nazoratlar paytida turli xil korrupsion holatlarga yo’l qo’yilmasligi oldindan ogohlantirib o’tildi. Agar korrupsion holatlar aniqlansa, o’qituvchisi va talaba bir xil javobgarlikka tortilishi uqtirildi.
Suhbat davomida korrupsiyaning salbiy oqibatlari, talaba-yoshlar bilim darajasi, Oliy ta'limda korrupsiya ko'rinishlari, korrupsiyaga qarshi kurashish yo'llari to'g'risida fikrlar almashildi. Talabalar o'zini qiziqtirgan barcha savollarga javob olishdi.
