Joriy yilning 13 iyun kuni O’zbekiston Yoshlar ittifoqi Buxoro davlat universiteti boshlang’ich tashkiloti tomonidan 30- iyun yoshlar kuni hamda O’zbekiston yoshlar ittifoqi tashkil topganligining 1 yilligi munosabati bilan Buxoro davlat universiteti faollar yig’ingohida “Ittifoq hisoboti yoxud yillik sarhisob” nomli madaniy - ma’rifiy tadbiri o’tkazildi. Tadbirni ochib berish uchun so’z Buxoro davlat universiteti ma’naviy - ma’rifiy ishlar bo’yicha prorektori - A.M. Kadirovga berildi. Tadbirda Buxoro davlat universiteti Yoshlar yetakchisi - Nurullayev Firuz Fayzullayevich bir yilda bajargan ishlari, erishilgan yutuqlarining hisobotini o’z nutqlarida ifodalab berib kelajakda qilinishi zarur bo’lgan ishlar re’jasini omma e’tiboriga taqdim etdilar. Bundan tashqari bir yil davomida yutuqlarga erishgan, bir qancha mukofotlarni qo’lga kiritgan talabalar, muddatli harbiy xizmatda bo’lib bugungi kunda universitetga shartnoma asosida ta’lim olayotgan va shartnoma to’lovining 35% Yoshlar ittifoqi tomonidan to’lanayotgan talabalar erishgan yutuqlari to’g’risida nutq bayon etdilar.
