Ko’hna va boqiy Buxoro azaldan ijodkorlar kitobsevarlar yurti hisoblanadi. 2018-yil 24-may kuni shahrimiz Markaziy xiyobanida “Kitobxonlik madaniyatini yuksaltirish- buyuk maqsadlarga erishishning kafolatidir” shiori ostida kitob bayrami bo’lib o’tdi. Ijodiy kechada ijodkorlar tomonidan yozilgan bir qancha kitoblar ko’rgazmasi, “Buxoro kitob olami” va boshqa birqancha kutubxonalar kitoblari savdosi hamda kitoblarning taqdimotlari o’rin oldi. Buxoro davlat universiteti talabalari uchun belgilangan joyda esa kitoblar burchagi tashkil qilinib, ijodkor talaba yoshlarimiz o’z kitoblarini taqdimotini o’tkazdilar.Shuningdek tadbirda “siz kitob o’qishni yoqtirasizmi” nomli ijtimoiy so’rov o’tkazildi. So’rovnomaga to’g’ri javob bergan Buxoro davlat universiteti talabalari ajoyib sovg’alar bilan ham taqdirlandi. Tadbirda Buxoro davlat universitetining 60 dan ortiq ijodkor va faol talaba yoshlari ishtiroq etishdi. Mazkur tadbirni samarali o’tkazishda Buxoro davlat universitetidagi Boshlang’ich tashkilot kengashining har bir a’zosi bayram dasturiga o’z hissasini qo’shdi. Jajji qizaloqlarning raqslari barchani ko’nglini xushnud etdi.
