16.07.2026

#Dolzarb90Kun

Yozgi ta’til — sport va sog‘lom turmush tarzi bilan mazmunli o‘tmoqda!

Buxoro davlat universiteti "Dolzarb 90 kun" loyihasi doirasida talaba va yosh futbolchilarning yozgi ta’til davridagi bo‘sh vaqtlarini mazmunli tashkil etish maqsadida futbol sport to‘garaklari muntazam ravishda davom etmoqda.

Buxoro universal sport majmuasi sport maydonida o‘tkazilayotgan mashg‘ulotlarda ishtirokchilar futbol bo‘yicha amaliy ko‘nikmalarini mustahkamlash, jismoniy chiniqish hamda jamoada ishlash madaniyatini rivojlantirish imkoniyatiga ega bo‘lmoqda.

Mashg‘ulotlarning asosiy maqsadi yoshlar o‘rtasida sog‘lom turmush tarzini keng targ‘ib qilish, bo‘sh vaqtni mazmunli va samarali tashkil etish, sportga bo‘lgan qiziqishni oshirish hamda jamoaviylik, iroda va vatanparvarlik tuyg‘ularini yanada mustahkamlashdan iborat.

Sport — bu nafaqat jismoniy chiniqish, balki kuchli iroda, intizom va ezgu maqsadlar sari dadil odimlash maktabidir.