Kimyo qanday dunyo, menga bari bir
Havoga suvruldi yigirma yilim
Ming yil yashang! Anglolmaysiz baribir
Sizga bir tiyindir, menda dil tilim
Balki siz qaytarsiz men qaytolmayman
Gunohim juda koʻp, lek aytolmayman
Robbimga...Uyimga borar yoʻlim berk
Shunchalar ojizman hatto oʻlim berk
Bilmaysiz ilvirab chirir bu yurak
Men bir on yonida boʻlmoq istayman
Sizga mol-u dunyo moddiyat kerak
Men jannatiy boʻlib oʻlmoq istayman
Toʻgʻri, choʻchimayman doʻzaxidan ham
Axir, Robbim oʻzi yaratgan uni
Biroq yaqinlardan choʻchirkan odam
Siz anglay olmaysiz bunday tuygʻuni
Yangi tong soʻrayman undan har kecha
Har kecha "Bomdodni oʻqiyman"deyman
Tunlar oʻtib ketdi, tong otdi necha
Men esa Bomdodni oʻqish bilmayman
Xulosalar qiling. Mayli oting tosh
Oʻzingizcha dunyo yaratib oling!
Bilmaysizku nelar oʻylaydi bu bosh
Yaxshisi tinchgina oʻrnizda qoling
Kelmagansiz, axir, meni sinashga
Barchamiz sinalish uchun kelganmiz
Dunyo degan roʻyo bilan kurashda
Visolga kim yetar aniq bilmaymiz
Buxoro davlat universiteti
Tabiiy fanlar fakulteti
Taxallus: Daydi Telbayev
