#Talabalar_ijodidan
#Tabiiy_Fanlar
Har tong erinmasdan uyqumni buzib
Shirin tushlarimdan xayolim uzib
Non yemay, tayyorlab menga nonushta
Hayotimga tayanch boʻlgan farishtam
Kirimni chayigan, kiymimni tikkan
Qalbimga mehridan koʻchatlar ekkan
Zarradek baxtimdan osmonga yetgan
Uyimni yoritgan ma'sum farishtam
Sochlarim oʻrgan u, boshimni yuvib
Suyanchiq boʻlganim yonimda turib
Men uni sezmadim yonida yurib
Baxtimdan baxt topgan baxtsiz farishtam
Mendan ayamagan shirin kalomin
Men ziqna qizgʻandim hatto salomim
Meni deb oʻtlarda yongan olovim
Koʻnglida kiri yoʻq oʻksik farishtam
Men uchun yugurib yelgan dunyoda
Baxtimni soʻragan qoʻli duoda
Toʻnini kiygizgan muzdek havoda
Men uchun muzlagan qaynoq farishtam
Sakrasam, egmasam yoʻgʻon boʻynimni
Shirin soʻzi ila soʻrar koʻnglimni
Yiqilsa men badbaxt bermay qoʻlimni
Masxara qilsam ham suygan farishtam
Birgina shirin soʻz aytganim la'nat
U boʻlsa men uchun yashaydi faqat
Qalbida, tilida cheksiz muhabbat
Sevganu sevilmay qolgan farishtam
Qancha xato qilmay, qanchayin gunoh
Qancha razilliklar qilmay men gumroh
Faqat Olloh guvoh faqat u guvoh
Tun-u kun duoda men deb farishtam
Chil-chil sindirsam ham orzularini
Menga koʻrsatmaydi qaygʻularini
Qancha tutmay yolgʻon koʻzgularini
Baribir aslimni topgan farishtam
Meni deb umriga kirmagan bahor
Tilimning zahridan chekkan koʻp ozor
Mendan aytilguvchi shirin soʻzga zor
Bagʻrini dardlarim ezgan farishtam
Men uning umrini etyapman xazon
Nahot vaqt tul, soʻroqsiz, umrlar arzon
Uni sovurmoqlik, ezmoqlik oson
Men umrin oʻmargan beayb farishtam
-" Baxtli boʻl" deydiyu, qilar tabassum
Aslida gʻamgin u koʻzlari ma'sum
Men uchun gullagan chechak har mavsum
Qor bagʻrini yorgan lolam, farishtam
Ogʻrisam boʻgʻzida turadi joni
Oʻtlarga tutashar jonu jahoni
Na holi boʻladi, na bir darmoni
Meni mendan ortiq sevgan farishtam
Farishtam, yolgʻizim koʻz yoshingni art
Axir men senchalik emasmanku mard
Axir xatolarim ololmadim tan
Senga boʻlolmadi yuragim vatan
Sen sevma, bolam deb suyma farishtam
Dardimga qovrulib, kuyma farishtam
Bolam deb, jon olib, joningni berib
Dunyoning baxtini uyma farishtam
Mening yuragim tosh, koʻzlarim soʻqir
Adolat boʻlsa gar dunyoda jindak
Shu koʻr koʻzlarimni iblislar choʻqir
Kechirgin senga uy boʻlmadi yurak
Kechirgin ishonching oqlay olmadim
Katta odam boʻlib yoʻqlay olmadim
Sen sevding har lahza meni farishtam
Ahmoqman sezmadim seni farishtam
Men uchun dardimga parvona boʻlding
Men uchun tirilding, men uchun oʻlding
Men qahraton edim. Qahrimdan soʻlding
Muhabbat berding-u, indamay ketding
Yuragim muzlarin uygʻotib oʻtding
Yuragim toshligin koʻrib uygʻotding
Yuragim muzlatgan alamlarimni
Barchasin supurib otding, yoʻqotding
Sening yuragingdir sof, samimiy, pok
Hayda, unga kirmasin mendek nopok
Pul, davlat ketadi yonimdan biroq
Sen zarradek ketmaysan yiroq
Kechir tugataman sening ta'rifing
Aslida ta'rifmas xizmating, xolos
Qalamim mehringdan boʻlolmay xalos
Ta'rifing topmadi samimiy va mos
Buxoro davlat universiteti
Tabiiy fanlar fakulteti
2.1-kim21 guruhi talabasi
....... .........................
