#talabalar_ijodi
Do‘stman deya yuzimga kulib,
Atrofimda poylab qadamlar.
Tashvish kelsa begona bo‘lib,
Men yig‘lasam kulgan odamlar.
Omad kulsa, ko‘tarib boshga,
Siz emasmi bergan salomlar.
Ko‘zlarimni to‘ldirib yoshga,
Men yig‘lasam kulgan odamlar.
Omad mendan bursa gar yuzin,
Yuragimga sanchgan tikanlar.
Farishtadek oqlaydi o‘zin,
Men yig‘lasam kulgan odamlar.
Sizga jonim berardim , axir,
Hadya qilar edim alamlar.
Kimligingiz ko‘rsatdi taqdir,
Ehh, yig‘lasam kulgan odamlar.
BuxDU Filologiya fakulteti
6-5UZB 20-guruh talabasi
Azizabegim Hasanova
