...Xayol
Ne qilaykim, shoir dardi bo'larkan,
Dard degani mudom dilni ezarkan,
Har go'shani etma, orzu yo'liga,
Xayol qurg'ur, o'zi dunyo kezarkan.
Men ne topdim, faqat sarob ayladi,
Kuz ham kelib, xazon yo'lim bog'ladi,
Oqloldimmi, farzand degan nomni men
Axir, to'rt dugona ko'nglim chog'ladi.
Qo'lda qalam, qog'oz tutgan holimda
O'ltirardim yarim tunni quchguncha,
Tugatmadim xayolimni surib ham,
Falak qizi misol, bo'lib uchguncha
Tergasa ham mudom ijod yo'lida,
Onam so'zi abad, yodga qoladi.
Ko'ngil olov, yoki otash kabidur,
Lov-lov yonib, har nelarga soladi.
✍️Dilnura Jurayeva
BuxDU filologiya fakulteti
6_2 uzb 22- guruh talabasi
