#Talabalar_ijodidan
#Tabiiy_Fanlar
Ba'zi bir yaqinlar...
Nogahon ko'nglimga quladi qoya,
Yorqin nurlarimga solishdi soya,
Oqibatlarni ham ketgizib zoya,
Ba'zi bir yaqinlar begona bo'ldi...
Yo'qligim kimlarga bo'ldi kifoya,
Endi shu yo'qlikni qilaman hadya,
Qaysidir tuyg'ular topdi nihoya,
Ba'zi bir yaqinlar begona bo'ldi...
Ko'ngillar sovidi ko'ngillar qoldi,
O'rtada muhabbat mehr yo'qoldi,
Bechora bu yurak hasratga to'ldi,
Ba'zi bir yaqinlar begona bo'ldi...
Bir kunlik quyoshdek botib ketdilar,
Nomimni tekinga sotib ketdilar,
Kamiga toshlar ham otib ketdilar,
Ba'zi bir yaqinlar begona boʻldi...
Qo'limni siltadim mayli indamay,
Qadr bilmagandan qadr izlamay,
Sen desam boʻlmasmi endi sizlamay,
Ba'zi bir yaqinlar begona bo'ldi...
Achinmay ham qo'ydim endi o'zimga,
G'ururim qo'ymadi qaytsam izimga,
Ko'rinmasa bo'ldi endi ko'zimga,
Ba'zi bir yaqinlar begona boʻldi...
✍️ ALIJON YO'LDOSHEV Tabiiy Fanlar Fakulteti 2-1EkoKT-22 Talabasi
