#Talabalar_ijodidan
#Tabiiy_Fanlar
Dunyolarga alishmayman sizni ONA❤️
Shu jonidan yaralganda,mening jonim,
Tomirimda oqadigan tomchi qonim,
Shirin so'zim, mehribonim, hush zabonim,
Dunyolarga alishmayman sizni ona.
Siz kulsangiz yorishadi butun olam,
Doim deysiz: Omon bo'lsang bo'ldi bolam,
Jannatimsiz bebahoyim siz durdonam,
Dunyolarga alishmayman sizni ona.
Soddaginam yosh boladek beg'uborim,
Qishlarimni ifor sochgan gul bahorim,
Mushtiparim, ko'ngli sofdil beozorim,
Dunyolarga alishmayman sizni ona.
Duo qilgan, bolamni kam kam qilmagin deb,
Oddiy bo'lgin, eldan ortda qolmagin deb,
Dilxiralik, yomonlikni bilmagin deb,
Dunyolarga alishmayman sizni ona.
Siz nurafshon chirog'isiz uyimizning,
Dilimizda yangraydigan kuyimizning,
Bittasizda, siz tengi yo'q siz yagona,
Dunyolarga alishmayman sizni ona.
Poyingizga jonim fido qilay sizni,
Onajonim duoyingiz olay sizni,
Yaratgandan umringizni tilay sizni,
Dunyolarga alishmayman sizni ona...
✍️
