#Talabalar_ijodidan
#Tabiiy_fanlar
Ko'nglimdagilar
Ishonchim yo'qoldi ishonmay qo'ydim,
Yolg'on,xiyonatdan judayam to'ydim,
Ichim to'la xasrat kulguga yo'ydim,
Koʻnglimni sindirdi koʻnglimdagilar...
Unutilib ketasiz unut bo'lasiz,
Faqat yurak uzra qoldi chandiqlar,
Hali vaqti kelar javob berasiz,
Ko'nglimni sindirdi koʻnglimdagilar...
Vijdonlar qiynalmay hech ikkilanmay,
Nomlari doimo tilimdagilar,
Koksimga xanjarin sanchib ayamay,
Koʻnglimni sindirdi koʻnglimdagilar...
Titrab ketdi boshdan tirnog'imgacha,
Yo'llarimni to'sib yo'limdagilar,
Zahri yetib keldi dimog'imgacha,
Koʻnglimni sindirdi koʻnglimdagilar...
Yaqin kelishganda nega sezmadim,
Qo'limdan tutganda, qo'limdagilar,
Hayf ekan oqibat nega sizladim,
Koʻnglimni sindirdi koʻnglimdagilar...
Ko'zimga boqishga qildilar jur'at,
Qiyofasin chizsam, daxshatli sur'at,
Topdilar nima naf nima manfaat,
Koʻnglimni sindirdi koʻnglimdagilar...
Ichgan qasamlarga vafolar qani,
Endi bu dardimga davolar qani,
Eh mayliga nima bo'lsa bo'lgani,
Koʻnglimni sindirdi koʻnglimdagilar...
Bilmadim sizga men nega ishondim,
Soxta mehringizdan biroz quvondim,
Siz sabab sarobda o't bo'lib yondim,
Koʻnglimni sindirdi koʻnglimdagilar...
Ensalari qotib qoldi yaramay,
Ketdilar kulishib ortga qaramay,
Hattoki bir bora uzur soramay,
Koʻnglimni sindirdi koʻnglimdagilar...
Unutmang durlardan qimmatlidir dil,
Bilib bilmay boshga yetib qoyar til,
Yaratganga nigoh aslida koʻngil,
Koʻnglimni sindirdi koʻnglimdagilar...
✍️ ALIJON YO'LDOSHEV
2-1EkoKT-22 Talabasi
