VIJDON UYG‘ONSANafsoniy hirslarga berursan barham,Iymon tog‘i tomon tashlarsan qadam,Tanib boradirsan xatto Haqni ham,Vijdoning uyg‘onsa, vijdon uyg‘onsa.Mehr-u saxovatga makon bo‘lgaysan,Jonajon Vatanga qalqon bo‘lgaysan,Imtihondan o‘tib, inson bo‘lgaysan,Vijdoning uyg‘onsa, vijdon uyg‘onsa.Chehrangdan nur yog‘ar, tilingdan-chi bol,O‘ngingda tole yor, so‘lingda iqbol,Dushmanlaring qayda qoldi, nazar sol,Vijdoning uyg‘onsa, vijdon uyg‘onsa.Qadr bo‘stonida o‘sib borasan,O‘z go‘ringni o‘zing qazib borasan,Xatto o‘zingdan ham o‘zib borasan,Vijdoning uyg‘onsa, vijdon uyg‘onsa.XUDONING URGANIYaratganga elchi emasman, biroq,Muhabbatim uyg‘oq, iymonim uyg‘oq.Kimki birov uchun qazir bo‘lsa choh,Xudoning urgani o‘sha bo‘ladi.Kimki o‘z otasin xo‘rlasa, hayhot,Benasib o‘tgaydir baxtdan umrbod.Dunyoga aldanib yo etsa “jihod”,Xudoning urgani o‘sha bo‘ladi.Kimda-kim chiqolmay qolsa fahshdanVa yo bokira qiz aytgan qarg‘ishdan,Karami uzilsa a‘lo arshdanXudoning urgani o‘sha bo‘ladi.Kimki yuragida saqlar kudurat,Yo birovga o‘lim tilaydi faqat.Bergan rizqiga hech qilmas qanoat,Xudoning urgani o‘sha bo‘ladi.To‘rt muchasi sog‘-u, tilansa orsiz,Oyog‘ingni quchib, yursa izma-iz,Aqchang bo‘lsa, undan qizg‘anma hargiz,Xudoning urgani o‘sha bo‘ladi.So‘zdan ma‘ni emas, kutsa manfaat,Tilla tishlaringga qo‘ysa muhabbat,Uning so‘zlariga aldanma, ulfat,Xudoning urgani o‘sha bo‘ladi. G‘iybatingni qilsa, chalsa oyog‘ing, Yoki tuhmat qilib, so‘ldirsa bog‘ing, Sen qayda bo‘lsang-da mudom hamrohing, Xudoning urgani o‘sha bo‘ladi! Suhrob Hamroh, maydan yiroq ketmasang, Aytganingga o‘zing amal etmasang, Umr mohiyatin anglab yetmasang, Xudoning urgani o‘sha bo‘ladi!Suhrob HamroyevBuxoro davlat universitetining Pedagogika fakulьteti psixologiya ta‘limi yo‘nalishi 3 – bosqich talabasi
