Maxsus imkoniyatlar

Amaldagi loyihalar

calendar 16.11.2026

DLL loyihasi

Loyiha nomi: Nemis tilini o'qitishni o'rganish (DLL)
Loyiha haqida: Gyote Institutining ta'lim, malaka oshirish va qo'shimcha ta'lim dasturidir. Mazkur dastur nemis tilini chet tili (DaF) sifatida o`qitishni ko`zda tutadi va bu fanning dolzarb ilmiy holatidan kelib chiqqan holda ishlab chiqilgan va o'qituvchi malakasini oshirishda innovatsion didaktik yondashuvni, ya`ni o`qituvchining o`z ustida muntazam tadqiqotini (Aktionsforschung) o'z ichiga oladi. BuxDU hamda Goethe Institut Taschkent o`rtasida 2024-yilda DLL loyihasini amalga oshirish shartnomasi imzolangan. Hozirgacha Nemis filologiyasi bo`limining besh o`qituvchisi va talabalari mazkur loyihada faol qatnashib kelmoqda.
 
Loyihaning asosiy maqsadlari:
-         Kasbiy kompetensiyani oshirish: Nemis tilini chet tili (DaF / DaZ) sifatida o'qitishning zamonaviy ilmiy-metodik yutuqlari asosida o'qituvchilarning kasbiy ko'nikmalarini rivojlantirish.
-         Harakat tadqiqoti (Aktionsforschung): O'qituvchilarga o'z dars jarayonini tanqidiy kuzatish, tahlil qilish hamda amaliyot bilan nazariyani birlashtirgan holda "tadqiqotchi-o'qituvchi" sifatida harakat qilish imkoniyatini berish.
-         Videoasosli tahlil: Dunyo mamlakatlaridagi amaliy darslardan olingan videoyozuvlar asosida dars jarayonini tushunish, metodik konsepsiyalarni tahlil qilish va dars sifatini yaxshilash.
-         Oliy ta'lim bilan integratsiya: Hamkor universitetlar bilan birgalikda yagona va zamonaviy o'quv makonini yaratish, oliy o'quv yurtlarining kadrlar hamda ilmiy salohiyatini oshirish.
-         Modulli o'qitish va amaliy loyihalar: Har bir mavzu/modulni amaliy-tadqiqot loyihalari orqali mustahkamlash, auditoriya va onlayn (blended learning) shakllarda ta'lim berish.