Buxoro davlart universitetiga 2018-yil 17-may kuni BMTTD Birlashgan Millatlar tashkiloti taraqqiyot dasturining O`zbekistondagi doimiy vakili Xelena Frayzer xonimlari tashrif buyurdi. Ushbu tashrif davomida Xelena Frayzer xonimlari universitet rektori A.A To`laganov hamda BuxDU professor-o`qituvchilari, talabalari bilan uchrashib davra suhbati o`tkazdi.
BMTTD dunyoning 177 dan ziyod davlatida faoliyat yuritadi va mahalliy darajadagi muammolarning global yеchimini taqdim etadi, shu orqali davlatlarning barqarorligini ta’minlash, insonlarning huquq va imkoniyatlarini kеngaytirish salohiyatini mustahkamlaydi. BMTTD atrof-muhit ifloslanishiga qarshi kurash, OIV/OITS o`lati tarqalishining oldini olish, samarali, adolatli davlat boshqaruvini joriy etish va iqtisodiy rivojlanish kabi bir qator dolzarb masalalarni yechish borasida O`zbеkistonda amalga oshirilayotgan ishlarga o`z hissasini qo`shib kеladi.Xelena Frayzerning tashrifdan asosiy maqsadi universitet talabalari bilan uchrashuv tashkil qilib, shu maqsadlarni va ularni amalga oshirishda yoshlarning ko`magi muhimligi haqida gapirib o`tdi. Qisqa vaqt davomida bo`lib o`tgan davra suhbati davomida BMTTD ning 17 ta Global maqsadlari haqida talabalarga tushunchalar va ularning mohiyatini yoritib berdi. Bularga, qashshoqlikni yo`q qilish, ochlikni yo`q qilish, sog`lik-salomatlik, sifatli ta’lim, arzon va toza energiya, industrializatsiya, innovatsiyalar va infratuzilma, barqaror shahar va aholi punktlari kabi asosiy maqsadlar atrofida muammolarni hal qilish masalalari haqidagi fikrlar bildirildi. Talaba yoshlarimiz tomonidan asosan ta’limga oid va uni rivojlantirish borasida olib borilayotgan ishlar haqida savollar berilib, javoblar olishdi.
