Bugungi kunda xalqaro aloqalar rivojlanishning asosiy omili bo`lib hisoblanadi. Shu bois, barcha sohalarda, ayniqsa ilm-fanda xalqaro aloqalarni o`rnatish va rivojlantirish kabi masalalarga alohida e’tibor qaratilmoqda. O`zaro aloqalarni riovjlantirish maqsadida 2018-yil 27-iyun kuni Buxoro davlat universitetiga Malayziya fan-islom universitetidan 10 kishidan iborat delegatsiya tashrif buyurdi. “Buxoro qadimda islom dini markazlaridan bo`lgan buyuk va mashhur shahardir. Bu yerda Imom al-Buxoriy, Abu Ali ibn Sino, Bahouddun Naqshbandiy kabi buyuk alloma va avliyolar yashab ijod qilishgan, dedi professor Zulkiple Abd. Ghani-fan-islom universiteti prorektori o`z so`zining boshlanishida.
Malayziya fan-islom universiteti Malayziyaning eng barqaror va mashhur ilm dargohi hisoblanib, hozirgi kunda 9 ta fakultetda 17 000 dan ortiq talaba tahsil olmoqda. Shulardan 700 nafari xorijlik talabalardir. Uchrashuv jarayonida “Injinering va atrof-muhit qurilishi” fakulteti dekani professor Kamaruzzaman Seman Buxoroda arxitektura rivojlanishi, undagi naqqoshlik, amaliy san’at namunalari arxitektura tarixining yorqin misolidir, deb ta’kidlab o`tdi.
Uchrashuv 2 qismda o`tkazildi. Tashrif buyurgan delegatsiya a’zolari bilan Buxoro davlat universiteti rektori A.A.To`laganov ishtirokida o`zaro fakultetlararo va kafedralararo aloqalarni rivojlantirish masalasida davra suhbati o`tkazildi. Unda ikki tomondan takliflar bildirilib, asosiy e’tibor prezidentimiz Sh.M.Mirziyoyev tashabbuskorliklari natijasida yangi tashkil qilingan Islom tarixi va manbashunosligi kafedrasi hamda Tasviriy san’at va badiiy grafikasi, Axborot texnologiyalari kafedralari bilan o`zaro aloqalarni yo`lga qo`yish va uni rivojlantirish, ikki tomonlama qo`shma loyihalarni amalga oshirish, uzoq muddatli o`qituvchi va talabalar almashinuvi dasturlarini yo`lga qo`yish kabilar muhokama qilinib, shartnomalar tuzishga kelishib olindi. Shuningdek, “Islom tarixi va manbashunosligi” kafedrasi muduri, falsafa fanlari nomzodi, dotcent Namozov B. bilan kelishuvlarni amalga oshirib, tajribalarni almashishga kelishib olindi.
Ikkinchi jarayonda, Malayziya fan-islom universiteti Injenering va atrof-muhit fakulteti dekan o`rinbosari Elina Mohd Husini tomonidan Malayziya fan-islom univesitetidagi o`quv jarayoni, fakultet yo`nalishlari, arxitektura va qurilish sohalarining taqdimoti bo`lib o`tdi.
Umuman olganda, ikki tomonning uchrashuvlari ishchan ruhda bo`lib, oxirida “Boshqaruv va menejment”, “Islom tarixi va manbashunosligi”, “Axborot texnologiyalari” sohalarida xodimlar va talabalar almashinuvini yo`lga qo`yish kabi chora-tadbirlar haqida kelishib olindi.
