O’zbekiston Respublikasi Vazirlar Mahkamasining 2018 yil 6 martdagi 178-f-sonli Farmoyishining 1-ilovasiga muvofiq “O’zbekiston-Xitoy: tarixiy-madaniy ilmiy va iqtisodiy aloqalar rivoji” mavzusidagi anjuman Toshkent davlat sharqshunoslik instituti, Toshkent davlat sharqshunoslik instituti huzuridagi Konfutsiy nomidagi o’zbek-xitoy instituti hamkorligida 2018 yilning 17 noyabr kuni Toshkent shahridagi SP OOO “Ipak Yo’li-Turizm Invest” – Wyndham Tashkent mehmonxonasida bo’lib o’tdi.
Ushbu xalqaro konfrensiyasida Buxoro davlat universiteti “Jahon tarixi” kafedrasi o’qituvchisi Jahongir Yunus o’g’li Ergashev o’zining “Системы услуг на Центрально-азиатских трассах Великого шелкового пути” nomli ma’ruzasi bilan ishtirok etdi va hamkor tashkilotlarning diplomi bilan taqdirlandi. Ushbu konfrensiyada qator davlatlarning nufuzli ta’lim muassasalaridan 50 dan ortiq professorlar, shuningdek, O’zbekistonning 120 dan ortiq olimlari ishtirok etishdi. Shularning orasida Buxoro davlat universitetining professor-o’qituvchilarining ishtirok etishi va ma’ruza qilishi quvonarli hol albatta. Jahongir Yunus o’g’li Ergashev hozirgi kunda “Buxoro xonligi karvon yo’llarida xizmat ko’rsatish tizimi (XVI-XVIII asr o’rtalari)” mavzusida Tarix fanlari bo’yicha Falsafa doktori (PhD) ilmiy darajasini olish uchun mustaqil tadqiqotchi sifatida ilmiy izlanishlar olib bormoqda. J. Ergashev o’z vatanini sevuvchi, hukumatimiz siyosatini tushunuvchi, sof vijdonli, intiluvchan va boshqalarga yordam qo’lini cho’zishga tayyor inson. U o’z ustida doimiy ravishda mustaqil ishlab, izlanishlar olib boradi.
Biz yosh bo’lishiga qaramay tinib-tinchimas “Jahon tarixi” kafedrasi o’qituvchisi Jahongir Yunus o’g’li Ergashevni ilmiy-ishlariga muvaffaqiyatlar tilaymiz.
