Buxoro shahridagi “Yetti yulduz” sport majmuasida badiiy gimnastika bo‘yicha mintaqaviy chempionat bo‘lib o‘tdi. Unda Buxoro, Qashqadaryo va Xorazm viloyatlaridan 2009-, 2010-, 2011-, 2012-yillarda tug‘ilgan o‘smir qizlar badiiy gimnastika bo‘yicha g‘oliblik uchun kurashdilar.
2012 yilda tug‘ilgan qizlar bahsida Buxoro shahridagi Nafis sport majmuasida Baxriniso Ergasheva murabbiyligida mashg‘ulotlar o‘tab kelayotgan besh nafardan iborat gimnastikachi qizlar: Uktamova Parvina, Najmidinova Asal, Xojaaxmedova Nastarin, Zokirova Moxinur, Hikmatullaeva Shaxrizodalar g‘oliblikni qo‘lga kiritdilar. G‘oliblar oltin medal va faxriy yorliq bilan taqdirlandilar.
- Men Buxoro davlat universitetining jismoniy tarbiya fakultetining 2-kurs talabasi, – deydi g‘olib jamoa murabbiyi Baxriniso Ergasheva. – Kelgusida shogirdlarimning Osiyo va jahon chempionatlari shosupalarida yurtimiz bayrog‘ini baland ko‘tarishlari uchun bor bilimim va kuchimni sarflayman. Bugun bunga pillapoyalar qo‘yildi, desam mubolag‘a bo‘lmaydi.
Biz endigina 21 yoshni to‘ldirgan murabbiyga omad tilab qolamiz. Orzularing ushalsin, Baxriniso!
BuxDU matbuot kotibi
Mannon Otaboy
