Buxoro davlat universitetining yozgi choyxonasida “Ustoz va murabbiylar” kuniga bag‘ishlangan tantanali tadbir bo‘lib o‘tdi.
Bayramona bezatilgan dasturxon atrofida o‘tirgan 400 kishilik professor-o‘qituvchilarni universitet rektori A.To‘laganov kirib kelayotgan “Ustoz va murabbiylar” kuni bilan muborakbod etdi. Ustozlarning yosh avlodni tarbiyalashdek mas’uliyatli ishlariga rivoj tiladi.
Universitet kasaba uyushmasi tashabbusi bilan tashkil etilgan ushbu tadbirda uyushma raisi S.Qahhorov ham so‘zga chiqib, o‘qituvchi va murabbiylik dunyodagi eng mashaqatli va sharafli kasblardan biri ekanligini ta’kidlab, tadbir ishtirokchilarini bayram bilan qutladi.
Shundan so‘ng davrada vatan, muhabbat, ustoz va murabbiylarni madh etuvchi kuy-qo‘shiqlar yangradi.
Mannon Otaboy,
BuxDU: matbuot kotibi
