O‘zbekiston Respublikasi Prezidenti Shavkat Mirziyoyevning 2018 yil 28 sentyabrdagi “O‘qituvchi va murabbiylar kuni munosabati bilan ta‘lim-tarbiya tizimida alohida o‘rnak ko‘rsatgan xodimlardan bir guruhini mukofotlash to‘g‘risida”gi farmoni bilan yurtimizning bir guruh ustoz va murabbiylari qatorida oliy ta‘lim tizimida fidokorona mehnat qilayotgan pedagoglar ham taqdirlandi. Mazkur pedagoglar orasida Buxoro davlat universitetining ingliz tili va adabiyoti kafedrasi katta o‘qituvchisi Xodjayeva Dilafro‘z Izatilloyevna “Shuhrat” medali bilan taqdirlandi.
Universitetda ma‘naviy barkamol va vatanparvar yoshlar ta‘lim-tarbiyasiga katta ulush qo‘shib kelayotgan zahmatkash, bilimdon va izlanuvchan, tashabbuskor, yuksak kasbiy mahoratga ega Dilafro‘z Izatilloyevnani universitet jamoasi nomidan “Shuhrat” medali bilan qutlaymiz.
Ma`naviyat va ma`rifat bo`limi boshlig`i
A.J. Jumayev
