Qadrli o‘qituvchi va murabbiylar!
Barchangizni Ma‘naviyat va ma‘rifat bo‘limi nomidan umumxalq bayrami 1 oktyabr – O‘qituvchilar va murabbiylar kuni bilan chin qalbdan tabriklaymiz.
Har birimiz uchun eng aziz va eng qadrli bo‘lgan farzandlarimizga ta‘lim va tarbiyaga, kelajakka aniq yo‘naltirishdek ulkan va xayrli ishga o‘zining hayotini bag‘ishlagan o‘qituvchi va murabbiylarning xizmatlari oldida har qancha ta‘zim qilsak arziydi. Chunki, katta hayotga yo‘llanma eng dastlab maktablardan boshlansa, turmushning ilk saboqlari o‘qituvchi hamda murabbiylarning bilim va tajribalari orqali har birimizning yuragimizga singib boradi.
Sizlarning yoshlarimiz qalbi va ongiga ona Vatanga muhabbat va sadoqat tuyg‘usini singdirish, ularni turli tahdidlardan asrash, komil inson etib voyaga yetkazish yo‘lidagi xizmatlaringiz beqiyosdir.
Aziz o‘qituvchi va murabbiylar!
Sizlarni 1-oktyabr–O‘qituvchilar va murabbiylar kuni umumxalq bayrami bilan yana bir marta qizg‘in qutlab, barchangizga mustahkam sog‘lik, oilalaringizga omonlik, yurtimiz kelajagini belgilaydigan yoshlarni tarbiyalashdek xayrli ishlaringizda muvaffaqiyalar tilaymiz!
Ma‘naviyat va ma‘rifat bo‘limi boshlig‘i
A.M.Jumayev
