02.04.2026

  Buxoro davlat universitetida faoliyat yuritayotgan “Kitobxonlar davrasi” klubida an’anaviy tarzda o‘tkazib kelinayotgan “Zakovatchi kitobxon” tadbiri oliygoh miqyosida iqtidorli talabalarni kitob mutolaasiga keng jalb etish, shuningdek, oliy ta’lim muassasalari talabalari uchun tavsiya etilgan 100 muhim adabiyotning targ‘ibotini kuchaytirishni o‘z oldiga maqsad qilib olgan.

  Joriy yilning 31 mart kuni Buxoro shahar Yoshlar markazida mazkur tadbirning navbatdagi soni bo‘lib o‘tdi. Unda talabalar Pirimqul Qodirovning “Erk” va Iqbol Mirzoning “Bonu” asarlari asosida tayyorlangan mantiqiy savollarga javob berish orqali o‘z bilim va tafakkur salohiyatlarini namoyon etdilar.

  Shuningdek, badiiy asarlar mutolaasi doirasida iqtidorli talabalar bilan klub faoliyatini yanada takomillashtirish hamda talabalar o‘rtasida kitobxonlik madaniyatini keng targ‘ib etish masalalari yuzasidan fikr almashildi.

       Barcha kitobsevar yoshlarni “Zakovatchi kitobxon” intellektual o‘yiniga taklif etamiz!

      Zakovatingizni sinovdan o‘tkazishga tayyormisiz? Unda bizga qo‘shiling!

      Kitobxonlar safidan o‘rin oling va o‘z bilimingizni namoyon eting!

      Bizni “Zakovatchi kitobxon” — tadbir doirasida o‘tkaziladigan  intellektual o‘yinlarimiz  har oyning 2-4-seshanba kunlari o‘tkaziladi.