Alisher Navoiy xotirasiga bag‘ishlanadi
Besh asrdan о‘tdi yо‘qligingizga,
Ammo tiriklardan kо‘ra a’losiz.
Ruhingiz arshda-yu, jismingiz yerda,
G‘azal bо‘stonida sо‘zsiz dahosiz.
Shonli tarixlarga о‘yib yozilgan,
Xamsangiz eslatib turadi sizni.
Minglab xonandaga kuy, qо‘shiq bо‘lgan
She’rlar unutmoqqa qо‘yarmu bizni?
Ba’zan siz tomonga ketib xayolim,
Sо‘rgim kelar Shirin qissalarini.
Deyman, qanday yetar ekan majolim,
Eshitsam Laylining hasratlarini.
Siz shoir, siz buyuk, sо‘zsiz dahosiz,
Tilimiz ga zarrin tо‘nlar kiygizgan.
Sehri bor, tortuvchi ohangrabosiz,
Kо‘ngli о‘ksiklarning dardin ketkazgan.
Hazratim, meni ham bir duo qiling,
Aytsam, men ham she’rga kо‘ngil qо‘yganman,
Hech yо‘qsa xayolan bir ustoz bо‘ling,
Men ham she’r ishqida Layli bо‘lganman.
Sizga ta’rif yо‘qdir , siz mudom dilda,
G‘azallar taftida orom olaman.
Sizga umrin fido etdi Suyuma,
Men nechun, ishqimdan ayting tonaman?
Navoiy, Navoiy, dunyo yarador,
Jarohatin yuvar she’rlaringiz bor.
Shommi yoki sahar uxlamas bedor,
Izingizga izdosh qizlaringiz bor...
6-5 Uzb - 22 - guruh talabasi
Hamroqulova Rushana
